QR Premer-Ministri Asqar Mamin QR aýmaǵynda koronavirýs infektsiiasynyń taralýyna jol bermeý jónindegi vedomstvoaralyq komissiianyń (VAK) selektorlyq otyrysyn ótkizdi, dep habarlaidy primeminister.kz.
Sanitarlyq-epidemiologiialyq jaǵdai týraly densaýlyq saqtaý ministri Aleksei Tsoi, vaktsina óndirý jónindegi jumys týraly bilim jáne ǵylym ministri Ashat Aimaǵambetov, karantindik sharalardyń saqtalýyn baqylaý týraly ishki ister ministri E. Turǵymbaev, óńirlerdegi ahýal týraly Aqmola oblysynyń ákimi Ermek Marjyqpaev, Qostanai oblysynyń ákimi Arhimed Muhambetov, Soltústik Qazaqstan oblysynyń ákimi Qumar Aqsaqalov baiandady.
QR-daǵy qazirgi sanitarlyq-epidemiologiialyq jaǵdai kúrdeli — respýblika «joǵary qaýiptilik aimaǵyna» kirdi, 8 óńir «qyzyl aimaqta» tur: Nur-Sultan jáne Almaty qalalary, Aqmola, Atyraý, Batys Qazaqstan, Qostanai, Pavlodar jáne Soltústik Qazaqstan oblystary.
Kún saiyn 1,5 myńǵa jýyq jańa syrqattaný jaǵdaiy tirkeledi, reprodýktivtik kórsetkishi – 1,14. Infektsiialyq tósek oryndarynyń júktemesi – 31%, reanimatsiialyq – 20%. QazCovid-in otandyq vaktsinasy klinikalyq synaqtardyń III kezeńinen ótýde (aldyn ala tiimdiligi – 96%).
«Spýtnik V» vaktsinasynyń sapasyn attestattaý jumystary júrgizilip jatyr. Halyqty «Spýtnik V-men» jappai vaktsinalaý 1 aqpanda bastalady.
Úkimet basshysy Bilim jáne ǵylym ministrligine Biologiialyq qaýipsizdik problemalary institýty bazasynda QazCovid-in vaktsinasynyń tájiribelik partiiasyn jáne «Antigen» ǴÓK» JShS óndiristik alańynda tájiribelik-ónerkásiptik partiiany shyǵarýdy qamtamasyz etýdi tapsyrdy.
Premer-Ministr ákimdikterge vaktsinany saqtaý úshin qajetti jabdyqtardy satyp alýdy aiaqtap, egý pýnktteriniń tolyq daiyndyǵyn biylǵy 1 aqpanǵa deiin qamtamasyz etýdi tapsyrdy.
Aqparat ministrligine Densaýlyq saqtaý ministrligimen birlesip, koronavirýs infektsiiasyna qarsy vaktsinalaý týraly aqparattyq-túsindirý jumysyn qamtamasyz etý, Ishki ister ministrligimen birlesip, vaktsinalaý máselelerine qatysty arandatý jáne jalǵan aqparat taratý faktilerin ýaqytyly toqtatý tapsyryldy.
Úkimet basshysy epidemiiaǵa qarsy is-sharalarǵa tartylǵan qyzmetkerlerdiń qaýipsizdigi máselelerine erekshe baqylaý jasaý qajettigin atap ótti.
«Vaktsina óndirisin qamtamasyz etý jáne halyqty jappai vaktsinalaýdy ótkizý - densaýlyq saqtaý salasyndaǵy Úkimettiń búgingi kúngi negizgi mindeti», - dedi A. Mamin.
