QR Premer-Ministriniń birinshi orynbasary Asqar Mamin Ashhabadta ótken halyqaralyq Turaqty kólik boiynsha jahandyq konferentsiiaǵa qatysty, dep habarlaidy "Ult aqparat" QR Premer-Ministriniń resmi saityna silteme jasap.
A. Mamin óńirdiń álem muhittary men halyqaralyq teńiz joldaryna shyǵý múmkindigi joq, ekonomikalyq damý elderi turǵysynan alǵandaǵy turaqty kólik taqyrybynyń mańyzdylyǵyn atap ótti.
«Saýda aǵyndaryn zamanaýi logistikalyq infraqurylymmen jáne jetkizýdiń jyldamdyǵy men baǵasy jaǵynan sapaly qyzmetimen qamtamasyz etý – tranzittik dálizderdiń qatysýshy elderine jańa naryqtardy igerip, júk aǵynyn tartýǵa múmkindik beredi», - dedi A. Mamin.
Onyń aitýynsha, BUU Bas Assambleiasynyń 70-sessiiasy aiasynda qabyldanǵan turaqty damý maqsattary, sonyń ishinde turaqty sipattaǵy tranzittik jáne kólik infraqurylymyn qurý jahandyq damýdyń mańyzdy qarqyny bolyp tabylady.
«Qazaqstan óńirdiń logistikalyq infraqurylymyn jetildirýge jáne damýyna aitarlyqtai úlesin qosýda», - dedi A. Mamin.
Jahandyq konferentsiiaǵa qatysý aiasynda QR Premer-Ministriniń birinshi orynbasary Túrkimenstan Prezidenti Qurbanquly Berdimuhamedovtiń qabyldaýynda boldy.
Taraptar Qazaqstan Prezidenti Nursultan Nazarbaevtyń ekijaqty qazaqstandyq-túrkimendik qarym-qatynastardy damytýdaǵy, memleketaralyq bailanystardyń barlyq salalaryndaǵy yntymaqtastyqty nyǵaitýdaǵy róli men mańyzdylyǵyn basa aitty.
Kezdesý barysynda mańyzdy bóligi Qazaqstan-Túrkimenstan-Iran jańa temirjol magistrali bolyp tabylatyn «Soltústik-Ońtústik» temirjol dálizin damytý perspektivalary talqylandy. 2014 jylǵy jeltoqsanda Qazaqstan, Túrkimenstan jáne Iran Prezidentteri úsh memleketti jalǵaityn Ózen–Bereket–Gorgan temirjol magistralin ashty.
Taraptar bul halyqaralyq magistraldiń óńirdiń ekonomikasyn damytýdaǵy, sondai-aq eki el arasyndaǵy ózara tiimdi yntymaqtastyqtyń gúldenýi jáne ony nyǵaitýdaǵy mańyzdylyǵyn atap ótti.
Budan ózge, gaz, transshekaralyq sýdy paidalaný salasyndaǵy qazaqstandyq-túrkimendik yntymaqtastyqty damytý máseleleri jóninde pikir almasý ótti.
A. Mamin aldaǵy EKSPO-2017 «Bolashaq energiiasy» halyqaralyq kórmesine qatysatyndyǵy úshin túrkimen tarapyna alǵys aitty.
Forým aiasynda A. Mamin Qytai, Resei, Túrkiia, Ázirbaijan, Ýkraina úkimetteriniń múshelerimen kezdesýler ótkizdi.
.jpeg)