Qazaqstan Respýblikasynyń Premer-Ministri Asqar Mamin Eýropa, Eýraziia jáne Taiaý Shyǵystaǵy Chevron barlaý jáne óndirý jónindegi prezidenti Todd Levimen kezdesý ótkizdi, dep habarlaidy "Ult aqparat".
Kezdesý barysynda munai-gaz salasyndaǵy birlesken jobalardy iske asyrý aiasynda yntymaqtastyqty odan ári damytý máseleleri talqylandy. Chevron kompaniiasy Qazaqstannyń munai óndirý salasyndaǵy iri seriktesteriniń qatarynda, Teńiz, Qarashyǵanaq jobalaryna, Kaspii Qubyr Konsortsiýmy munai qubyryn keńeitýge qatysady.
2018 jyly TShO munai ónimderiniń kólemi 28,6 mln tonnany qurady.
Todd Levi biyl munai óndirý boiynsha josparly kórsetkishter asyra oryndalatynyn aitty. Óz kezeginde, Bolashaq keńeitý jobasyn — Saǵalyq qysymdy basqarý jobasyn iske asyrý 2022 jylǵa qarai óndirýdi jylyna 12 mln tonnaǵa ulǵaitýǵa jol ashady. Jobalardy iske asyrý máselelerinde qazaqstandyq qyzmetkerler úlesin ulǵaitýǵa erekshe kóńil bólingen. TShO keńeitý jobasyna 45 myńnan astam qazaqstandyq tartylǵan, bul qyzmetkerlerdiń jalpy sanynyń 91% quraidy.
Kezdesýdi qorytyndylai kele, QR Úkimetiniń basshysy Asqar Mamin munai-gaz jáne munai servisi salalaryndaǵy jergilikti óndiristi damytýdyń mańyzdylyǵyna toqtalyp ótti. Jabdyqtar men tehnikany elimizde shyǵarý indýstriialandyrýdy damytýǵa qosymsha serpin beredi jáne jańa jumys oryndaryn ashýǵa jol ashady.
Taraptar yntymaqtastyqty joǵary baǵalaityndaryn aityp, áreket etip turǵan jobalardy jalǵastyryp, jańa birlesken jobalardy qolǵa alý turǵysynan strategiialyq seriktestikti jalǵastyrýǵa niet bildirdi. QR-nyń ekonomikalyq kórsetkishteriniń ósýi men investitsiialyq ahýaldy jaqsartý jónindegi turaqty jumystardy eskersek, ózara is-qimyldy odan ári keńeite túsýge úlken áleýet bar.
Máseleni talqylaýǵa «QazMunaiGaz» UK» AQ basqarma tóraǵasy A. Aidarbaev, QR energetika vitse-ministri M. Myrzaǵaliev qatysty.
