قازاقستان رەسپۋبليكاسىنىڭ پرەمەر-مينيسترٸ اسقار مامين ەۋروپا, ەۋرازييا جەنە تاياۋ شىعىستاعى Chevron بارلاۋ جەنە ٶندٸرۋ جٶنٸندەگٸ پرەزيدەنتٸ تودد لەۆيمەن كەزدەسۋ ٶتكٸزدٸ, دەپ حابارلايدى "ۇلت اقپارات".
كەزدەسۋ بارىسىندا مۇناي-گاز سالاسىنداعى بٸرلەسكەن جوبالاردى ٸسكە اسىرۋ اياسىندا ىنتىماقتاستىقتى ودان ەرٸ دامىتۋ مەسەلەلەرٸ تالقىلاندى. Chevron كومپانيياسى قازاقستاننىڭ مۇناي ٶندٸرۋ سالاسىنداعى ٸرٸ سەرٸكتەستەرٸنٸڭ قاتارىندا, تەڭٸز, قاراشىعاناق جوبالارىنا, كاسپيي قۇبىر كونسورتسيۋمى مۇناي قۇبىرىن كەڭەيتۋگە قاتىسادى.
2018 جىلى تشو مۇناي ٶنٸمدەرٸنٸڭ كٶلەمٸ 28,6 ملن توننانى قۇرادى.
تودد لەۆي بيىل مۇناي ٶندٸرۋ بويىنشا جوسپارلى كٶرسەتكٸشتەر اسىرا ورىندالاتىنىن ايتتى. ٶز كەزەگٸندە, بولاشاق كەڭەيتۋ جوباسىن — ساعالىق قىسىمدى باسقارۋ جوباسىن ٸسكە اسىرۋ 2022 جىلعا قاراي ٶندٸرۋدٸ جىلىنا 12 ملن تونناعا ۇلعايتۋعا جول اشادى. جوبالاردى ٸسكە اسىرۋ مەسەلەلەرٸندە قازاقستاندىق قىزمەتكەرلەر ٷلەسٸن ۇلعايتۋعا ەرەكشە كٶڭٸل بٶلٸنگەن. تشو كەڭەيتۋ جوباسىنا 45 مىڭنان استام قازاقستاندىق تارتىلعان, بۇل قىزمەتكەرلەردٸڭ جالپى سانىنىڭ 91% قۇرايدى.
كەزدەسۋدٸ قورىتىندىلاي كەلە, قر ٷكٸمەتٸنٸڭ باسشىسى اسقار مامين مۇناي-گاز جەنە مۇناي سەرۆيسٸ سالالارىنداعى جەرگٸلٸكتٸ ٶندٸرٸستٸ دامىتۋدىڭ ماڭىزدىلىعىنا توقتالىپ ٶتتٸ. جابدىقتار مەن تەحنيكانى ەلٸمٸزدە شىعارۋ يندۋسترييالاندىرۋدى دامىتۋعا قوسىمشا سەرپٸن بەرەدٸ جەنە جاڭا جۇمىس ورىندارىن اشۋعا جول اشادى.
تاراپتار ىنتىماقتاستىقتى جوعارى باعالايتىندارىن ايتىپ, ەرەكەت ەتٸپ تۇرعان جوبالاردى جالعاستىرىپ, جاڭا بٸرلەسكەن جوبالاردى قولعا الۋ تۇرعىسىنان ستراتەگييالىق سەرٸكتەستٸكتٸ جالعاستىرۋعا نيەت بٸلدٸردٸ. قر-نىڭ ەكونوميكالىق كٶرسەتكٸشتەرٸنٸڭ ٶسۋٸ مەن ينۆەستيتسييالىق احۋالدى جاقسارتۋ جٶنٸندەگٸ تۇراقتى جۇمىستاردى ەسكەرسەك, ٶزارا ٸس-قيمىلدى ودان ەرٸ كەڭەيتە تٷسۋگە ٷلكەن ەلەۋەت بار.
مەسەلەنٸ تالقىلاۋعا «قازمۇنايگاز» ۇك» اق باسقارما تٶراعاسى ا. ايدارباەۆ, قر ەنەرگەتيكا ۆيتسە-مينيسترٸ م. مىرزاعاليەۆ قاتىستى.
