QR Premer-Ministriniń birinshi orynbasary Asqar Mamin jumys saparymen Qyzylorda oblysyna bardy, dep habarlaidy "Ult aqparat" QR Premer-Ministriniń resmi saityna silteme jasap.
A. Mamin «Báiterek» qazaqstandyq-reseilik jobasyn iske asyrý barysy týraly esepti tyńdady, onyń aiasynda Baiqońyr ǵarysh ailaǵyndaǵy jerdegi ǵarysh infraqurylymyn jańǵyrtý josparlanǵan. Atap aitqanda, «Zenit» ǵarysh zymyran keshenin. Sondai-aq, «Baiqońyr» kesheni nysandaryn paidalanýǵa qatysty jumystardy atqarý jaiy baiandaldy.
2016 jylǵy jeltoqsanda QR Prezidenti Nursultan Nazarbaevtyń Reseige jumys sapary barysynda kelesi qujattarǵa qol qoiylǵan bolatyn: «Baiqońyr» keshenindegi aldaǵy yntymaqtastyq tujyrymdamasy jáne «1995 jylǵy 23 jeltoqsandaǵy Baiqońyr qalasynyń mártebesi jáne ondaǵy atqarýshy ókimet organdaryn qurýdyń tártibi men olardyń mártebesi týraly memleketaralyq Kelisimge QR memlekettik organdarynyń tizimi bóligine ózgerister engizý týraly» Hattama.
«Tujyrymdamany oryndaý «Baiqońyr» keshenin damytý boiynsha Qazaqstan men Resei yntymaqtastyǵynyń basymdyqty baǵyttaryn eki memlekettiń múddelerine sai júzege asyrýǵa múmkindik beredi, keshenniń odan ári damýyn perspektivaly josparlaýdy qamtamasyz etedi, sondai-aq jańa ortaq ǵaryshtyq jobalardy iske asyrýǵa múmkindik beredi», – dep basa aitty A. Mamin.
Qyzylordaǵa jumys sapary aiasynda QR Premer-Ministriniń birinshi orynbasary «Nur orda» jańa shaǵyn aýdanynda bolyp qaitty. Munda óńirdegi turǵyn úi qurylysynyń barysy týraly esep berildi. «Óńirlerdi damytýdyń 2020 jylǵa deiingi» baǵdarlamasy boiynsha atalǵan shaǵyn aýdanda 20 kópqabatty úi turǵyzylǵan.
A. Mamin óńirdiń basty jylýmen qamtý nysany – Qyzylorda JEO-nyń jumysymen tanysyp, atalǵan nysandy jańǵyrtýǵa bailanysty baiandamany tyńdady.
Sondai-aq, Qazaqstandaǵy alǵashqy tabaq shyny óndiretin zaýyttyń qurylys alańyna bardy. Kásiporyn biylǵy jyldyń ekinshi toqsanynda paidalanýǵa beriletin bolady. Munda jylyna 200 myń tonna tabaq shyny, energiia únemdeýshi, kúnnen qorǵaityn jáne kópfýnktsiialy shyny shyǵarý josparda bar.
Sondai-aq, A. Mamin Syrdariia ózeniniń sol jaǵalaýyndaǵy jańa kópirdi qarap shyǵyp, sol jaq jaǵalaý aimaǵynyń qurylys jobasymen tanysty.
Jumys saparynyń qorytyndysy boiynsha QR Premer-Ministriniń birinshi orynbasary Qyzylorda oblysyn damytý máseleleri jóninde keńes ótkizdi. Keńes barysynda óńir ákimi Q. Kósherbaev baiandama jasady. Ol 2016 jyldaǵy óńirdiń áleýmettik-ekonomikalyq damý qorytyndylary men 2017 jyly oblysty damytý perspektivalary týraly esep berdi.
.jpeg)