QR Premer-Ministriniń birinshi orynbasary Asqar Mamin jumys saparymen Almaty oblysyna baryp, óńirdiń kólik-logistika infraqurylymy nysandarynyń jáne áleýmettik sala nysandarynyń qurylys barysymen tanysty, dep habarlaidy primeminister.kz.
Jumys sapary Taldyqorǵan qalasynyń áýejaiyn aralaýdan bastaldy. Oblys ákimi Amandyq Batalov ushý-qoný jolaǵyn jáne aerovokzal ǵimaratyn jóndeý barysy týraly baiandady.
Sodan keiin QR Premer-Ministriniń birinshi orynbasaryna «QazAvtoJol» UK» AQ basqarma tóraǵasy Ermek Qizatov «Nurly jol» baǵdarlamasy boiynsha salynyp jatqan uzyndyǵy 112 km bolatyn respýblikalyq mańyzy bar Almaty – Óskemen avtomobil jolyn jóndeý barysy týraly málimdeldi. Bir aidyń ishinde uzyndyǵy 245 km bolatyn Almaty-Taldyqorǵan bóliginde qozǵalys tolyǵymen ashylady.
Jyl sońyna deiin Almaty oblysyndaǵy Batys Eýropa – Batys Qytai dálizine kiretin uzyndyǵy 304 km Almaty – Qorǵas ýchaskesinde qurylys aiaqtalady.
«Almaty – Taldyqorǵan jáne Almaty – Qorǵas avtomobil joldary óńir úshin mańyzdy infraqurylymdyq jobalar bolyp tabylady. Jalpy 2020 jylǵa deiin Almaty oblysynyń avtojol infraqurylymyna shamamen 400 mlrd teńge baǵyttalady. Bul búkil óńirdiń kólik infraqurylymyn tolyq jańǵyrtýǵa múmkindik beredi», — dep atap ótti A. Mamin.
Taldyqorǵan qalasynda «Nurly jol» baǵdarlamasy boiynsha jalpy aýdany 394 ga bolatyn Ońtústik-Batys turǵyn úi massiviniń qurylysy júrip jatyr. Aǵymdaǵy jyly 240 páter bolatyn tórt turǵyn úi qurylysy aiaqtalady. 706 páter bolatyn bes kommýnaldyq úi salynyp jatyr. Toǵyz balabaqsha, bes mektep, Oqýshylar saraiy, emhana, kórme kesheni, 16-qabatty qonaq úi, basqa da áleýmettik nysandar salý josparlanǵan.
Almaty oblysynda alty indýstriialyq aimaq salynyp jatyr.
Óńirge jumys sapary aiasynda QR Premer-Ministriniń birinshi orynbasary qurylysy aiaqtalyp qalǵan «Taldyqorǵan» indýstriialyq aimaǵyn aralady. Qazirgi ýaqytta indýstriialyq aimaq aýmaǵynda qurylys materialdaryn shyǵaratyn bes kásiporyn jumys jasaidy. Osynda taǵy 10 kásiporyndy ornalastyrý josparlanǵan. Ol 1 300-ge jýyq jańa jumys ornyn ashýǵa múmkindik beredi.
Premer-Ministrdiń birinshi orynbasary, sondai-aq «Qorǵas» ShYHO-nyń birqatar nysandaryn aralady. «Samuryq» ortalyq alańynda eki saýda úii men terminaldy aimaq turǵyzylǵan.
Bir jyl ishinde 5 investitsiialyq nysannyń: ortalyq alańnyń, qolónershiler qalasynyń, biznes ortalyqtyń, kóp fýnktsiialy ǵimarattyń jáne saýda ortalyǵynyń qurylysyn aiaqtaý josparda bar. Sonymen qatar, kelýshiler úshin ShYHO aýmaǵynda biryńǵai tólem kartasy júiesin engizý máselesi sheshilýde. Kún saiyn «Qorǵas» ShYHO-ǵa 3 myńǵa deiin adam keledi.
Premer-Ministrdiń birinshi orynbasary eki jyldyń ishinde ShYHO-nyń qazaqstandyq bóligin qurýdy aiaqtaýdy tapsyryp, saýda alańdaryn, birinshi kezekte, otandyq taýarlarmen, sondai-aq, EAEO elderiniń óndirýshileriniń ónimderimen toltyrý qajettigin aitty.
Sondai-aq, sapar barysynda A. Mamin Nurkent aýylynda boldy. Munda eki 60 páterlik kommýnaldy turǵyn úidiń qurylysy aiaqtalyp qaldy. Eki shaǵyn otbasylar jataqhanasynyń qurylysy aiaqtalǵan.
A. Maminniń qatysýymen «Qorǵas-Shyǵys qaqpasy» AEA-nyń Qurǵaq portyn aralaý sheńberinde dándi daqyldardy qabyldaý, tazalaý, keptirý jáne saqtaý boiynsha bolashaq elevator ornynda kapsýla salýdyń saltanatty rásimi ótti. Atalǵan nysannyń qýattylyǵy bir mezgilde 15 myń tonna saqtai alady, ekinshi jelini ári qarai keńeitý arqyly 30 myń tonnaǵa deiin jetedi. Elevator 2017 jylǵy tamyz aiynda iske qosylmaq.
A. Mamin atalǵan is-sharanyń AEA indýstriialyq aimaǵyndaǵy alǵashqy joba retinde mańyzdylyǵyn aityp, «Qorǵas-Shyǵys qaqpasy» AEA-nyń damýy» Eýraziialyq kontinenttiń logistikalyq júiesindegi ózekti oryn alatyn basym baǵyt bolyp sanalatynyn atap ótti.
Almaty oblysyna jumys sapary aiasynda A. Mamin Almaty-Qorǵas ýchaskesindegi «Batys Eýropa — Batys Qytai» avtomobil jolynyń qurylys barysymen jáne «Qorǵas» ShYHO aýdanyndaǵy Qorǵas ózenindegi qorǵanysh qurylystaryn salý barysymen tanysyp, qyzanaq ósiretin jylyjai keshenin aralady.
.jpeg)