«AsiaCredit Bank» AQ baǵaly qaǵazdar naryǵynda qyzmetti júrgizý litsenziiasynan aiyryldy, dep habarlaidy QR Qarjy naryǵyn retteý jáne damytý agenttiginiń baspasóz qyzmeti.
«Qazaqstan Respýblikasynyń Qarjy naryǵyn retteý jáne damytý agenttigi basqarmasynyń 2021 jylǵy 11 aqpandaǵy № 22 qaýlysyna sáikes «AsiaCredit Bank» AQ baǵaly qaǵazdar naryǵynda qyzmetti júrgizý litsenziiasynan aiyrý týraly sheshim qabyldandy» delingen habarlamada.
Agenttik ne sebepti bundai sheshim qabyldanǵanyn da málim etti: «Qazaqstan Respýblikasyndaǵy bankter jáne bank qyzmeti týraly» Qazaqstan Respýblikasynyń Zańy 48-baby 1-tarmaǵynyń 7), 15) tarmaqshalaryna sáikes:
- prýdentsiialyq normativterdi jáne (nemese) saqtalýy mindetti basqa da normalar men limitterdi júieli túrde (qatarynan kúntizbelik on eki ai ishinde úsh jáne odan kóp ret) buzý;
- qadaǵalap den qoiý sharalaryn júieli túrde (qatarynan kúntizbelik on eki ai ishinde úsh jáne odan kóp ret) oryndamaý;
- ýákiletti organnyń qosymsha kapitaldandyrý jónindegi talaptaryn Banktiń iri qatysýshysynyń oryndamaýy litsenziiadan aiyrýǵa negiz boldy».
Litsenziiadan aiyrý kúngi jaǵdai boiynsha Bank aktivteriniń mólsheri 45,4 mlrd teńge, nesie portfeli - 45,0 mlrd teńge, onyń ishinde 31,6 mlrd teńge nemese banktiń nesie portfeliniń 70,0%-y 90 kúnnen astam merzimi ótken jumys istemeitin kreditter. Litsenziiadan aiyrylǵan kúni «AsiaCredit Bank» ótimdi aktivteriniń mólsheri 75 mln teńgeni qurady, bul rette oryndalmaǵan klienttik tólemderdiń mólsheri 8,0 mlrd teńgeden asady.
«AsiaCredit Bank» AQ-ta 2021 jylǵy 1 aqpandaǵy jaǵdai boiynsha
23 174 jeke tulǵanyń depozitteri bar, olardyń jiyntyq qaldyǵy shamamen 19 mlrd teńge. Bank salymshylarynyń, jeke tulǵalardyń 97,7%-nyń depozitteri QDKQ kepildigimen tolyq kólemde óteledi.
Agenttik Tóraǵasynyń 2021 jylǵy 11 aqpandaǵy №51 buiryǵymen ýaqytsha ákimshilik taǵaiyndaldy, oǵan Banktiń barlyq basqarý organdarynyń ókilettikteri ótti. Ýaqytsha ákimshilik Banktiń taratý komissiiasy taǵaiyndalǵanǵa deiin jumys isteitin bolady. Ýaqytsha ákimshilik jetekshisi bolyp Agenttiktiń qyzmetkeri Erlan Sársenbekuly taǵaiyndaldy.
2021 jylǵy 12 aqpannan bastap QR zańnamasynda kózdelgen jaǵdailardy qospaǵanda, klientterdiń jáne Banktiń óziniń banktik shottary boiynsha barlyq operatsiia toqtatyldy. Agenttik Banktiń qyzmetin májbúrlep toqtatý (taratý) týraly ótinishpen sotqa belgilengen tártippen júginedi.
Sot Bankti májbúrlep taratý týraly is qozǵaǵan kúnnen bastap kreditorlardyń Bankke talaptary Bankti ustaýǵa aǵymdaǵy shyǵystarǵa bailanysty talaptardy jáne Qazaqstan Respýblikasynyń zańnamasynda belgilengen basqa da jaǵdailardy qospaǵanda, taratý isinde ǵana qoiylýy múmkin.
Barlyq suraqtaryńyz boiynsha «AsiaCredit Bank (AziiaKredit Bank)» AQ-tyń ýaqytsha ákimshiligine +7 (727) 330 88 11, +7 (727) 355 05 35 telefondary boiynsha júginýge bolady.
