Ashyq jobasy taǵy úsh qalada engiziledi, dep habarlaidy "Ult aqparat".
«Memleket basshysy Qasym-Jomart Kemeluly Toqaevtyń tapsyrmasyna sai elimizdiń Densaýlyq saqtaý ministrligi, UKP, aviatsiia komiteti, áýejailar, Qazaqtelekom jáne «Eir Astana» kompaniiasyndaǵy áriptestermen kezdesý ótti. Bizdiń aldymyzda covid-19 indetimen kúresý úshin tsifrlyq sheshimderdi tezirek engizý mindeti tur. «Ashyq» qosymshasyna qatysty aitarym, joba óz nátijesin berip keledi. «Atameken» UKP áriptesterimiz kún saiyn fitnes-klýbtarǵa kelýshiler arasynda buryn-sońdy covid-pen aýyrǵan adamdar bar ekenin habarlady» dep jazdy Baǵdat Mýsin Facebook paraqshasynda.
Onyń aitýynsha, qazirdiń ózinde osy jobaǵa qatyspaǵan basqa da biznes ókilderi tizimge engizýdi surap otyr.
«ASHYQ jobasyn paidalaný kartasyn keńeitý úshin Pavlodar, Taraz jáne Aqtóbe óńirine engizbekpiz. Osylaisha fitnes-klýbtar, bassein, boýling, spa-ortalyqtar men kompiýter klýbtarynan bólek, jobaǵa qoǵamdyq tamaqtaný men kinoteatrlardy qosý jaǵy ázirlenýde. Mindet – qazirgi qiyn jaǵdaiǵa qaramastan biznes ókilderine jumysyn jalǵastyrýǵa múmkindik berý. Ózderińiz bilesizder, jaqynda Frantsiiada ulttyq lokdaýn jariialandy, barlyq qajetti dúkender jabyldy. Germaniiada da qatań shekteýler bar. Biz mundai shekteýlerge jol bermeý maqsatynda qajetti sharalardy qabyldaimyz. Buǵan deiin aitqanymdai eger densaýlyq jaǵyn oilastyra otyryp, eldegi biznestiń damýyna múmkindik beretin ideialaryńyz bolsa tyńdaýǵa ázirmiz. Men óz tarapymnan Ashyq jobasyn memlekettiń qarjylandyrýynsyz qoldap, bastama kótergen Vitalii Pýstovoitenkomen onyń ujymyna alǵys aitqym keledi. Mine, azamattyq bastamanyń jarqyn mysaly!» deidi Tsifrlyq damý, innovatsiialar jáne aeroǵarysh ónerkásibi ministri.
Ministr sondai-aq QR Densaýlyq saqtaý ministrligi men Atameken UKP atap ótti.
«Óitkeni onsyz bul jobany júzege asyrý múmkin emes edi» deidi Baǵdat Mýsin.
