«Ashyq» jobasyn iske qosý 10 myń adamdy virýs juqtyrýdan qorǵap qaldy. Bul týraly QR DSM Elektrondyq densaýlyq saqtaýdy damytý departamentiniń direktory Beibit Esenbaev aityp berdi, dep habarlaidy QazAqparat.
«Ashyq» jobasyn engizý virýs juqtyrǵan nemese bailanysta bolǵan adamdardyń qoǵamdyq oryndarǵa barýynyń aldyn alýǵa, shaǵyn jáne orta biznestiń jumysyn qalpyna keltirýge múmkindik berdi. Osylaisha, tek 21-22 mamyr kúnderi Nur-Sultan jáne Almaty áýejailarynda PTR nátijesi oń (qyzyl statýs) 14 adam jáne bailanysta bolǵan (sary statýs) 32 adam anyqtaldy», - dedi spiker Ortalyq kommýnikatsiialar qyzmetinde ótken baspasóz máslihatynda.
Onyń aitýynsha, 12 sáýirden bastap, joba iske qosylǵaly búkil el boiynsha PTR nátijesi koronavirýsty kórsetken 2 631 kelýshi jáne naýqastarmen bailanysta bolǵan 2 074 kelýshi anyqtalǵan.
«Bir naýqas 4-6 adamǵa deiin virýs juqtyrýy múmkin ekenin eskersek, «Ashyq» jobasyn engizý 10 myń adamdy yqtimal juqtyrýdan qorǵap qaldy. Iaǵni, bul joba azamattarǵa ózderin qorǵaýǵa jáne densaýlyǵyn saqtaýǵa kómektesedi. Bas memlekettik sanitarlyq dárigerdiń 2021 jylǵy 22 naýryzdaǵy qaýlysynyń 4-qosymshasynda «Ashyq» jobasyna qatysatyn nysandar qyzmetin shekteýdiń naqty sharalary kórsetilgen. Onda qyzyl, sary jáne jasyl aimaqtardyń aiyrmashylyqtarymen tanysýǵa bolady», - deidi Esenbaev.
