«Ashyq» جوباسىن ٸسكە قوسۋ 10 مىڭ ادامدى ۆيرۋس جۇقتىرۋدان قورعاپ قالدى. بۇل تۋرالى قر دسم ەلەكتروندىق دەنساۋلىق ساقتاۋدى دامىتۋ دەپارتامەنتٸنٸڭ ديرەكتورى بەيبٸت ەسەنباەۆ ايتىپ بەردٸ, دەپ حابارلايدى قازاقپارات.
«Ashyq» جوباسىن ەنگٸزۋ ۆيرۋس جۇقتىرعان نەمەسە بايلانىستا بولعان ادامداردىڭ قوعامدىق ورىندارعا بارۋىنىڭ الدىن الۋعا, شاعىن جەنە ورتا بيزنەستٸڭ جۇمىسىن قالپىنا كەلتٸرۋگە مٷمكٸندٸك بەردٸ. وسىلايشا, تەك 21-22 مامىر كٷندەرٸ نۇر-سۇلتان جەنە الماتى ەۋەجايلارىندا پتر نەتيجەسٸ وڭ (قىزىل ستاتۋس) 14 ادام جەنە بايلانىستا بولعان (سارى ستاتۋس) 32 ادام انىقتالدى», - دەدٸ سپيكەر ورتالىق كوممۋنيكاتسييالار قىزمەتٸندە ٶتكەن باسپاسٶز مەسليحاتىندا.
ونىڭ ايتۋىنشا, 12 سەۋٸردەن باستاپ, جوبا ٸسكە قوسىلعالى بٷكٸل ەل بويىنشا پتر نەتيجەسٸ كوروناۆيرۋستى كٶرسەتكەن 2 631 كەلۋشٸ جەنە ناۋقاستارمەن بايلانىستا بولعان 2 074 كەلۋشٸ انىقتالعان.
«بٸر ناۋقاس 4-6 ادامعا دەيٸن ۆيرۋس جۇقتىرۋى مٷمكٸن ەكەنٸن ەسكەرسەك, «Ashyq» جوباسىن ەنگٸزۋ 10 مىڭ ادامدى ىقتيمال جۇقتىرۋدان قورعاپ قالدى. ياعني, بۇل جوبا ازاماتتارعا ٶزدەرٸن قورعاۋعا جەنە دەنساۋلىعىن ساقتاۋعا كٶمەكتەسەدٸ. باس مەملەكەتتٸك سانيتارلىق دەرٸگەردٸڭ 2021 جىلعى 22 ناۋرىزداعى قاۋلىسىنىڭ 4-قوسىمشاسىندا «Ashyq» جوباسىنا قاتىساتىن نىساندار قىزمەتٸن شەكتەۋدٸڭ ناقتى شارالارى كٶرسەتٸلگەن. وندا قىزىل, سارى جەنە جاسىل ايماقتاردىڭ ايىرماشىلىقتارىمەن تانىسۋعا بولادى», - دەيدٸ ەسەنباەۆ.
