Ashyq júiesi «qyzyl» statýsy bar 600-ge jýyq oqshaýlaý rejimin buzýshyny anyqtady. Bul týraly Sanitariialyq-epidemiologiialyq baqylaý komiteti habarlady.
Ashyq júiesi boiynsha anyqtalǵan «qyzyl» mártebesi bar barlyq jeke tulǵalar ákimshilik jaýapkershilikke tartylatyn bolady.
10 -21 maýsym aralyǵynda Ashyq jobasy aiasynda jumys isteitin nysandarda «qyzyl» statýsy bar 570 jáne «sary» statýsy bar 879 adam tirkelgen. Ózin-ózi oqshaýlaý rejimin buzǵany úshin 9 adam ákimshilik jaýapkershilikke tartyldy.
Sanitariialyq-epidemiologiialyq qyzmet organdary «qyzyl» statýsy bar qalǵan tártip buzýshylarǵa qatysty ákimshilik quqyq buzýshylyq týraly is qozǵaý jónindegi jumysty júrgizip jatyr.
Eske salaiyq, 10 sáýirde KVI-ǵa shaldyqqan naýqastar jáne olarmen bailanysta bolǵan adamdar úshin oqshaýlaýdyń mindetti rejimin kózdeitin sanitariialyq-epidemiologiialyq talaptar kúshine engen bolatyn. Belgilengen talaptardy oryndamaǵany úshin oqshaýlaý rejimin buzýshylarǵa 30 AEK nemese 87 510 teńge mólsherinde aiyppul salynady (QR ÁQBtK 452-baby).
