«Ashyq Úkimet» portaldarynyń barlyǵy eskirgen. Bul týraly QR Aqparat jáne qoǵamdyq damý ministri Aida Balaeva aitty, dep habarlaidy QazAqparat.
«Ashyq Úkimet» portaldarynyń qazirgi qoldanystaǵy sáýletiniń moraldyq turǵyda eskirýi kelesi problema siiaqty. «Ashyq biýdjetter» portalyn Qarjy ministrliginiń aqparattyq júielerimen yqpaldastyrý protsesinde qiyndyqtar týyndaýda. Qarjy ministrligi de, memlekettik josparlaý da problemanyń bar ekendigin kezekti márte kórsetip otyr«, - dedi ministr Aqparatqa qol jetkizý máseleleri jónindegi komissiianyń otyrysynda.
Osyǵan orai ol atalǵan portaldardy qaita qaraý qajettigin atap ótti.
«Sondyqtan sáýletin qaita qarap, «Ashyq Úkimet» barlyq portaldarynyń jańa nusqasyn ázirleý qajet. Biz tiisti ministrlikke naqty suranys jiberdik. Menińshe, ol jaqta jaqsy sheshim qabyldyp, bul saýaldarǵa ońtaily jaýap bolady«, - dedi Aida Balaeva.
Aita keteiik, onlain formatta ótken Aqparatqa qol jetkizý máseleleri jónindegi komissiianyń otyrysynda múmkindigi shekteýli adamdardyń aqparatqa qol jetkizý máseleleri, memlekettik organdardyń ashyqtyq deńgeiin jyl saiynǵy baǵalaýdyń negizgi qorytyndylary, memlekettik organdardyń internet-resýrstarynyń biryńǵai tuǵyrnamasynyń jumysy, sondai-aq «Ashyq biýdjetter» portalyn jetildirý boiynsha jumys josparynyń oryndalýy talqylandy.
