Jyl sońyna deiin Qazaqstannyń agroónerkásiptik keshenin damytýdyń 2017-2021 jyldarǵa arnalǵan memlekettik baǵdarlamasy qabyldanýy shart. Baǵdarlama boiynsha 2021 jylǵa deiin 610 myń gektar jer qalpyna keltirilmek. Oǵan 277 mlrd 709 mln teńge qarastyrylǵan. Al kollektorlyq-drenajdyq jelilerdi qalpyna keltirýge 39 mlrd teńge kóleminde qarjy jumsalady. Bul týraly Ortalyq kommýnikatsiialar qyzmetinde QR AShM Sý resýrstary komitetiniń tóraǵasy Islam Ábishev málimdedi, dep habarlaidy Baq.kz tilshisi.
«Aldaǵy 5 jylda 610 myń ga aýmaqtaǵy sýarmaly jerdiń irrigatsiialyq júiesin qalpyna keltirý josparlanyp otyr. Oǵan 277 mlrd 709 mln teńge bólýdi josparlap otyrmyz. Al kollektorlyq-drenajdyq jelilerdi qalpyna keltirýge 39 mlrd teńge kóleminde qarjy jumsalmaq. Onyń 32 mlrd teńgesi Islam damý banki arqyly bólinedi», - dedi komitet tóraǵasy.
Islam Ábishev atalmysh memlekettik baǵdarlamaǵa qarjy qaidan alynatyndyǵyn aita ketti.
«Baǵdarlama 5 jylǵa josparlanǵan. Qarjy Islam Damý banki, Eýropa qaita qurý jáne damý banki, Aziia damý bankinen alynady. Atap aitqanda, Islam Damý bankinen 2 transh, Eýropa damý bankinen 2 transh, Aziia damý bankinen 1 transh», - dep túiindedi ol.
Aita keteiik, QR-synyń agroónerkásiptik keshenin damytýdyń 2017-2021 jyldarǵa arnalǵan memlekettik baǵdarlamasy boiynsha Almaty oblysynda – 127 myń ga, OQO-da – 99 myń ga, ShQO-da – 92 myń ga, Jambyl oblysynda – 86 myń ga, BQO-da – 40 myń ga, Pavlodar oblysynda – 30 myń ga, Aqtóbe oblysynda – 29 myń ga, Qyzylorda oblysynda – 29 myń ga, Qaraǵandy oblysynda – 28 myń ga, SQO-da – 28 myń ga, Atyraý oblysynda – 22 myń ga jerdiń irrigatsiialyq júiesin qalpyna keltirý josparlanyp otyr.
.jpeg)