- Úkimet basshysy Baqytjan Saǵyntaevtyń aitýynsha, aýyl sharýashylyǵy ministrligi veterinarlyq qaýipsizdik boiynsha eskertý kóp jasai bermei, naqty sharalardy qolǵa alýy qajet, dep xabarlaidy QazAqparat tilshisi.
"Mynaý vaktsina týraly aityp jatyrsyzdar. Kóp problema sodan shyǵyp otyr ǵoi. Negizinen, ony xalyqaralyq talaptarǵa sai keltirý kerek. Eger ol bolmaityn bolsa, onda reglament qajet shyǵar. Jańa Aitýǵanov (aýyl sharýashylyǵy vitse-ministri - avt.) aityp ótti, mine, eskertý jasaimyz dep, ne ol "eskertemiz" degen? Onyń bári - "dejýrnyi" sózder. Siz eskertesiz de, qoiasyz. Olar bolsa, óz isterin jalǵastyra beredi. Sózdi qaitesiz, naqty jumys kerek, Asqar Isabekuly (aýyl sharýashylyǵy ministri - avt.). Olardy úitip saýsaqpen qorqytyp, kelesi joly qurtamyz, úitemiz-búitemiz degenshe, qajetti qujattardyń barlyǵyn bolyp, zańdy túrde jumys júrgizý kerek. Tiimsiz vaktsina bolsa, kim aldy, sony tártipke shaqyrý qajet. Jańa aityp otyrsyzdar ǵoi, qajetti quzyrly organdarǵa material berip jatyrmyz dep. Árine, úlken sharýa bul. Qalǵan bes oblys boiynsha Sibir jarasynan shyǵýymyz qajet", - dep atap kórsetti B.Saǵyntaev.
Osy oraida Premer-ministr kórshi elderdiń Qazaqstannyń etine qatysty veterinarlyq tekseristi kúsheitip jatqanyn taǵy bir márte eske salyp, kelesi jylda keleńsiz jaǵdailar qaitalanbaýy qajet dep túiindedi.
Aita keteiik, Úkimettiń búgingi otyrysynda QR Aýyl sharýashylyǵy vitse-ministri Qairat Aitýǵanov sibir jarasyna qarsy vaktsinaǵa synaq júrgizgennen keiin quqyq qorǵaý organdaryna tiisti materialdardyń jiberilgenin jetkizdi. "Biyl tamyz aiynda sibir jarasyna vanktsinalardyń sapasyn tekserý maqsatynda biz tiisti synamalardy Ýkraina men Efiopiianyń zertxanalaryna jibergen edik. Sonyń nátijesi qýantarlyq emes. Qazan aiynda tiisti materialdar quqyq qorǵaý organdaryna jiberildi. Qazirgi kezde sol materialdar boiynsha tergeý amaldary júrip jatyr", - deidi ol.
Osyǵan bailanysty vitse-ministr kelesi jyldan bastap talaptardyń kúsheitiletinin eskertti.
.jpeg)