Qoǵamdyq sanany jańǵyrtý baǵdarlamasy aiasynda atqarylatyn sharalar tyńǵylyqty ázirlendi. Bul týraly búgin Aqordada ótken Rýhani jańǵyrý jónindegi ulttyq komissiia otyrysynan keiin BAQ ókilderine suhbat bergen QR Parlamenti Májilisiniń depýtaty Máýlen Áshimbaev málim etti, dep habarlaidy QazAqparat.
«Búgingi otyrys mazmundy ótti deýge bolady. Otyrysta negizinen Elbasynyń maqalasynda kóterilgen úlken oilardy, usynystardy júzege asyrýdyń naqty josparlary talqylandy. Osyǵan bailanysty ultty komissiia aiasynda birneshe jumys toby qurylǵan bolatyn. Sol jumys toptary árbir baǵyt boiynsha ǵalymdardy, sarapshylardy tarta otyryp, birneshe apta boiy jaqsy jumys istedi, naqty jospar ázirledi», - dep atap ótti Áshimbaev.
Onyń aitýynsha, latyn álipbiine kóshý, Týǵan jer, kieli jerler, ulttyq mádenietimizdi shetelderde tanytý, qazaq tilinde 100 tanymal oqýlyqty aýdarý baǵyttary boiynsha ázirlengen josparlar komissiia músheleriniń kóńilinen shyqqan.
«Bul josparlar jan-jaqty oilastyryp, egjei-tegjeili pysyqtalyp, daiyndalǵan. Endi osy qujatqa sáikes Ulttyq komissiia, memlekettik organdar, ziialy qaýym ókilderi jumystar júrgizetin bolady. Jalpy búgingi otyrystyń negizgi qorytyndysy - naqty josparlar qarastyrylyp, maquldandy», - dedi Máýlen Áshimbaev.
