Qazaqstanda azamattardy tiline, dinine nemese áleýmettik jaǵdaiyna bailanysty kemsitýge jol berilmeidi, dep habarlaidy QazAqparat tilshisi.
Bul týraly QR Prezidenti Ákimshiligi basshysynyń birinshi orynbasary Máýlen Áshimbaev aityp berdi.
«Eldegi beibitshilik pen kelisim memleket úshin mańyzdy basymdyq bolyp qala beredi. Bálkim, qandai da bir maqsattar men mindetter kún tártibinen túsýi múmkin. Biraq, memlekettik organdar úshin ultaralyq kelisimdi, beibitshilik jáne qoǵamdyq qaýipsizdikti saqtaý - árqashan basty mindet sanalady, ony iske asyrýǵa memlekettiń barlyq resýrsy baǵyttalady. Árine, elimizde kóptegen máseleler bar. Biraq, sonymen birge, beibitshilik pen kelisimniń de bizdiń damýymyz ben azamattardyń qaýipsizdiginiń negizgi faktorlary ekenin túsinemiz.», - dedi M.Áshimbaev elordada etnosaiasattyń ózekti máseleleri týraly dóńgelek ústelde.
Onyń aitýynsha, etnikaaralyq qarym-qatynastar salasy memlekettik saiasattyń negizi bolyp qala beredi.
«Qazaqstan azamattaryn tiline, dinine nemese áleýmettik jaǵdaiyna bailanysty kemsitýge jol bermeý turaqty konstitýtsiialyq norma bolyp qala beredi. Azamattarymyzdyń bedelin túsirýge, sonyń ishinde etnikalyq belgilerge sáikes kemsitýge baǵyttalǵan kez kelgen áreketti tiisti organdar qatań túrde toqtatady», - dedi M. Áshimbaev.
.jpeg)