QR Úkimetiniń qaýlysymen Áset Nurlanuly Turysov Qazaqstan Respýblikasynyń tsifrlyq damý, innovatsiialar jáne aeroǵarysh ónerkásibi vitse-ministri laýazymyna taǵaiyndaldy, dep habarlaidy primeminister.kz.
Áset Nurlanuly Turysov 1987 jyly dúniege kelgen. 2009 jyly Ál-Farabi atyndaǵy Qazaq ulttyq ýniversitetin, 2017 jyly «Narhoz» ýniversitetin támamdaǵan.
Eńbek jolyn 2009 jyly «Qazaqtelekom» AQ-da bastaǵan.
2010-2011 jyldary — «Qazaqtelekom» AQ elektr bailanysy injeneri.
2011-2012 jyldary — QR Bailanys jáne aqparat ministrliginiń Aqparattyq tehnologiialar salasyndaǵy memlekettik saiasat departamenti «elektrondyq úkimetti» damytý jáne qorǵaý basqarmasy sarapshysynyń mindetin atqarýshy.
2012-2014 jyldary — QR Kólik jáne kommýnikatsiialar ministrliginiń Aqparattyq tehnologiialar salasyndaǵy memlekettik saiasat departamentiniń jobalyq qujattamany taldaý jáne aqparattandyrý jańa modelin qalyptastyrý boiynsha sarapshy, bas sarapshy.
2014 jyly — «Halyqqa qyzmet kórsetý ortalyǵy» RMK basqarýshy direktory.
2014-2017 jyldary — «Qazposhta» AQ qurylymynda jumys istedi.
2018 jylǵy qańtardan qazirge deiin «Ulttyq aqparattyq tehnologiialar» AQ basqarma tóraǵasy qyzmetin atqardy.
