QR Prezidenti Qasym-Jomart Toqaevtyń Jarlyǵymen Áset Órentaiuly Isekeshev Qazaqstan Respýblikasy Prezidentiniń kómekshisi – Qaýipsizdik Keńesiniń Hatshysy bolyp taǵaiyndaldy, dep habarlaidy Aqorda.
Áset Órentaiuly Isekeshev 1971 jyly Qaraǵandy qalasynda týǵan. 1994 jyly Ál-Farabi atyndaǵy QazMÝ-diń zań fakýltetin, 1998 jyly Qazaqstan Respýblikasy Prezidenti janyndaǵy Joǵary memlekettik basqarý mektebin aiaqtady.
1995-1997 jyldary Medeý aýdany prokýrorynyń taǵylymdamadan ótýshisi, kómekshisi, aǵa kómekshisi; UJMBM tyńdaýshysy (1997-1998 jyldary). 1998-1999 jyldary Qazaqstan Respýblikasynyń Strategiialyq josparlaý jáne reformalar agenttiginiń bas mamany, 1999-2000 jyldary Qazaqstan Respýblikasy Ádilet ministrligi Ortalyq jáne jergilikti organdardyń normativtik quqyqtyq aktilerin tirkeý jáne baqylaý departamentiniń direktory bolyp jumys istedi. 2000-2001 jyldary - Qazaqstan Respýblikasy Ádilet ministrligi janyndaǵy «Ulttyq zań qyzmeti» JAQ prezidenti, 2002 jylǵa deiin jeke sektorda jumys istedi. 2002 jylǵy qarasha - 2003 jylǵy maýsym - Qazaqstan Respýblikasy Ekonomika jáne biýdjettik josparlaý ministriniń keńesshisi. 2003 jyldan bastap, Qazaqstan Respýblikasy Indýstriia jáne saýda vitse-ministri. 2006 jyldan bastap - «Qazyna» Ornyqty damý qory» AQ Basqarmasy tóraǵasynyń orynbasary. 2007 jyldan 2008 jylǵa deiin - «Credit Swiss (Qazaqstan)» JShS qarjylyq jobalaý marketingi boiynsha direktory. 2008 jylǵy naýryz-mamyr - Qazaqstan Respýblikasy Prezidentiniń kómekshisi. 2009 jylǵy mamyrdan bastap, Qazaqstan Respýblikasy Indýstriia jáne saýda ministri. 2010 jyldyń naýryzynan - QR Premer-Ministriniń orynbasary - Indýstriia jáne jańa tehnologiialar ministri. 2012 jyldyń qańtar aiynan bastap - Indýstriia jáne jańa tehnologiialar ministri.
2012 jyldyń qyrkúieginen 2014 jyldyń 6 tamyzyna deiin QR Premer-Ministriniń orynbasary - Indýstriia jáne jańa tehnologiialar ministri. 6 tamyzdan bastap, Qazaqstan Respýblikasynyń Investitsiialar jáne damý ministri. 2016-2018 jyldary Astana qalasynyń ákimi. 2018-2019 jyldary QR Prezidenti Ákimshiliginiń basshysy.
2019 jyldyń naýryzynan búginge deiin Qazaqstan Respýblikasynyń Tuńǵysh Prezidenti – Elbasy qorynyń atqarýshy direktory qyzmetin atqardy.
«Qurmet» ordenimen, «Astanaǵa 10 jyl» medalimen marapattalǵan.
