QR Joǵarǵy sotynyń tóraǵasy Jaqyp Asanov zańdy qabyldanǵanymen ádil bolmaǵan sot sheshimi jaiynda aityp berdi, dep habarlaidy QazAqparat.
«Bizdiń sýdia talap sheginde - shekteýli ári beitarap. Ol beitarap bolýǵa mindetti de. Ózine taraptar bergen qujattardy tek qana baǵalaidy, boldy. Qalai isteý qajettigin biledi. Biraq, aitýǵa quqy joq. Bul sonda qandai protsess bolǵany? Árine, adamdarda kóptegen suraq týyndaidy. Olarǵa bizdiń protsessýaldy zańnamany egjei-tegjeili túsindire almaisyń. Óitkeni olar túsinbeidi. Seisenbi kúni Astana qalasynyń Saryarqa aýdandyq sotynda boldy. Sýdialardyń barlyǵy da protsessýaldy belsendilik berýdi ótinedi. Olar bylai deidi: «Adamdar aldynda uiat. Óitkeni bizdiń tilimizdi túsinbei, formalister dep aitady», - dedi Jaqyp Asanov Qazaqstan sýdialarynyń keńeitilgen otyrysynda.
Onyń aitýynsha, bul máseleniń taǵy bir qyry bar. Iaǵni, sot sheshimi zańdy bolǵanymen ádiletsiz. Osy rette Joǵarǵy sot tóraǵasy naqty mysal da keltirdi.
«Men tyrysyp baqtym, alaida áriptesterim zańdy buzýyma jol bermei qoidy. 10 jyl buryn úsh balasy bar áielge 19 sharshy metrlik páter berilgen. Ol jóndeý jumystaryn jasap, 300 myń teńge kommýnaldyq shyǵynyn tólep, qonystanǵan. Endi, aǵymdaǵy jyly ákimdik ony shyǵaryp jibermek boldy. Mine osy kezde Joǵarǵy sotta da biz ony qorǵai almaimyz. Nege ekenin bilesizder me? Sebebi belsendilik tanytýǵa quqyǵymyz joq. Sondyqtan iske basqa talap, basa sot protsesi qajet. Osynaý tozaq sheńberin ózi jalǵyz ótýi tiis, al bizdiń quqyǵymyz joq. Eger biz birdeńe jasai bastasaq, onda bul ókilettikti asyra paidalaný bolmaq», - dedi Jaqyp Asanov
