قر جوعارعى سوتىنىڭ تٶراعاسى جاقىپ اسانوۆ زاڭدى قابىلدانعانىمەن ەدٸل بولماعان سوت شەشٸمٸ جايىندا ايتىپ بەردٸ, دەپ حابارلايدى قازاقپارات.
«بٸزدٸڭ سۋديا تالاپ شەگٸندە - شەكتەۋلٸ ەرٸ بەيتاراپ. ول بەيتاراپ بولۋعا مٸندەتتٸ دە. ٶزٸنە تاراپتار بەرگەن قۇجاتتاردى تەك قانا باعالايدى, بولدى. قالاي ٸستەۋ قاجەتتٸگٸن بٸلەدٸ. بٸراق, ايتۋعا قۇقى جوق. بۇل سوندا قانداي پروتسەسس بولعانى? ەرينە, ادامداردا كٶپتەگەن سۇراق تۋىندايدى. ولارعا بٸزدٸڭ پروتسەسسۋالدى زاڭنامانى ەگجەي-تەگجەيلٸ تٷسٸندٸرە المايسىڭ. ٶيتكەنٸ ولار تٷسٸنبەيدٸ. سەيسەنبٸ كٷنٸ استانا قالاسىنىڭ سارىارقا اۋداندىق سوتىندا بولدى. سۋديالاردىڭ بارلىعى دا پروتسەسسۋالدى بەلسەندٸلٸك بەرۋدٸ ٶتٸنەدٸ. ولار بىلاي دەيدٸ: «ادامدار الدىندا ۇيات. ٶيتكەنٸ بٸزدٸڭ تٸلٸمٸزدٸ تٷسٸنبەي, فورماليستەر دەپ ايتادى», - دەدٸ جاقىپ اسانوۆ قازاقستان سۋديالارىنىڭ كەڭەيتٸلگەن وتىرىسىندا.
ونىڭ ايتۋىنشا, بۇل مەسەلەنٸڭ تاعى بٸر قىرى بار. ياعني, سوت شەشٸمٸ زاڭدى بولعانىمەن ەدٸلەتسٸز. وسى رەتتە جوعارعى سوت تٶراعاسى ناقتى مىسال دا كەلتٸردٸ.
«مەن تىرىسىپ باقتىم, الايدا ەرٸپتەستەرٸم زاڭدى بۇزۋىما جول بەرمەي قويدى. 10 جىل بۇرىن ٷش بالاسى بار ەيەلگە 19 شارشى مەترلٸك پەتەر بەرٸلگەن. ول جٶندەۋ جۇمىستارىن جاساپ, 300 مىڭ تەڭگە كوممۋنالدىق شىعىنىن تٶلەپ, قونىستانعان. ەندٸ, اعىمداعى جىلى ەكٸمدٸك ونى شىعارىپ جٸبەرمەك بولدى. مٸنە وسى كەزدە جوعارعى سوتتا دا بٸز ونى قورعاي المايمىز. نەگە ەكەنٸن بٸلەسٸزدەر مە? سەبەبٸ بەلسەندٸلٸك تانىتۋعا قۇقىعىمىز جوق. سوندىقتان ٸسكە باسقا تالاپ, باسا سوت پروتسەسٸ قاجەت. وسىناۋ توزاق شەڭبەرٸن ٶزٸ جالعىز ٶتۋٸ تيٸس, ال بٸزدٸڭ قۇقىعىمىز جوق. ەگەر بٸز بٸردەڭە جاساي باستاساق, وندا بۇل ٶكٸلەتتٸكتٸ اسىرا پايدالانۋ بولماق», - دەدٸ جاقىپ اسانوۆ
