Foto: uralskweek.kz
Sybailas jemqorlyqqa qarsy is-qimyl agenttiginiń resmi ókili Arman Tileýkenov asa iri laýazym ieleriniń atyn paidalanyp 1 mln dollar jymqyrdy delingen kúdiktiniń sottalǵanyn málim etti, dep habarlaidy Kazinform agenttigi.
«Ótken jyldyń sońynda Astana qalasynyń qylmystyq ister jónindegi mamandandyrylǵan aýdanaralyq soty K.Altaevqa qatysty úkim shyǵardy.
Oǵan 10 jyl merzimge bas bostandyǵynan aiyrý jazasy taǵaiyndaldy. Sondai-aq ómir boiy memlekettik qyzmet atqarý quqyǵynan aiyryldy», - dedi ol.
Aitýynsha, sot kináli dep tapqan azamat «Ken ornyn igerý kelisimshartyn uzartamyn» degen ýádemen para talap etken.
«Ol asa iri mólsherde para berýge arandatýshylyq jasaǵany, onyń 1 million AQSh dollary kólemindegi aqshalai qarajatyn jymqyrýǵa oqtalǵany úshin aiyptaldy.
Bul rette sottalǵan K.Altaev joǵary laýazymdy tulǵalardyń esimderin alǵa tartyp, elimizdegi oblystardyń birindegi ken ornynda jer qoinaýyn paidalaný kelisimshartyn uzartýǵa ýáde bergen», - dedi agenttiktiń resmi ókili.
