فوتو: uralskweek.kz
سىبايلاس جەمقورلىققا قارسى ٸس-قيمىل اگەنتتٸگٸنٸڭ رەسمي ٶكٸلٸ ارمان تٸلەۋكەنوۆ اسا ٸرٸ لاۋازىم يەلەرٸنٸڭ اتىن پايدالانىپ 1 ملن دوللار جىمقىردى دەلٸنگەن كٷدٸكتٸنٸڭ سوتتالعانىن مەلٸم ەتتٸ, دەپ حابارلايدى Kazinform اگەنتتٸگٸ.
«ٶتكەن جىلدىڭ سوڭىندا استانا قالاسىنىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى ك.التاەۆقا قاتىستى ٷكٸم شىعاردى.
وعان 10 جىل مەرزٸمگە باس بوستاندىعىنان ايىرۋ جازاسى تاعايىندالدى. سونداي-اق ٶمٸر بويى مەملەكەتتٸك قىزمەت اتقارۋ قۇقىعىنان ايىرىلدى», - دەدٸ ول.
ايتۋىنشا, سوت كٸنەلٸ دەپ تاپقان ازامات «كەن ورنىن يگەرۋ كەلٸسٸمشارتىن ۇزارتامىن» دەگەن ۋەدەمەن پارا تالاپ ەتكەن.
«ول اسا ٸرٸ مٶلشەردە پارا بەرۋگە ارانداتۋشىلىق جاساعانى, ونىڭ 1 ميلليون اقش دوللارى كٶلەمٸندەگٸ اقشالاي قاراجاتىن جىمقىرۋعا وقتالعانى ٷشٸن ايىپتالدى.
بۇل رەتتە سوتتالعان ك.التاەۆ جوعارى لاۋازىمدى تۇلعالاردىڭ ەسٸمدەرٸن العا تارتىپ, ەلٸمٸزدەگٸ وبلىستاردىڭ بٸرٸندەگٸ كەن ورنىندا جەر قويناۋىن پايدالانۋ كەلٸسٸمشارتىن ۇزارتۋعا ۋەدە بەرگەن», - دەدٸ اگەنتتٸكتٸڭ رەسمي ٶكٸلٸ.
