Búgin túste Arys qalasynan 50 bala Batys Qazaqstan oblysyndaǵy demalys ornyna attanyp ketti. Sonymen birge, keshke qarai 150 oqýshy tabiǵaty tańǵajaiyp Shyǵys Qazaqstan oblysyna jiberildi, dep habarlaidy Túrkistan oblysy ákiminiń baspasóz qyzmeti.
Oqýshylardy ata-analary men ustazdary Arystaǵy temir jol vokzalynan shyǵaryp saldy.
Buǵan deiin arystyq oqýshylar Pavlodar (129), Aqmola (145), Jambyl (200), Almaty oblystary (150) men Nur-Sultan (200) qalasyna demalysqa joldanǵan bolatyn.
Jalpy osy jazǵy demalysta Arystyń 4 myńnan astam oqýshysyn ózge óńirlerge demalysqa jiberý kózdelgen. Qazirgi tańda 1 myńnan astam oqýshy demalysqa jiberildi. Sonymen qatar Túrkistan oblysynyń aýdandary 462 balany jazǵy saýyqtyrýmen qamtýda. Oqýshylardy arnaiy bekitilgen ustazdar alyp júredi jáne jas órenderdiń alańsyz tynyǵýyna qolaily jaǵdai jasalǵan.
