بٷگٸن تٷستە ارىس قالاسىنان 50 بالا باتىس قازاقستان وبلىسىنداعى دەمالىس ورنىنا اتتانىپ كەتتٸ. سونىمەن بٸرگە, كەشكە قاراي 150 وقۋشى تابيعاتى تاڭعاجايىپ شىعىس قازاقستان وبلىسىنا جٸبەرٸلدٸ, دەپ حابارلايدى تٷركٸستان وبلىسى ەكٸمٸنٸڭ باسپاسٶز قىزمەتٸ.
وقۋشىلاردى اتا-انالارى مەن ۇستازدارى ارىستاعى تەمٸر جول ۆوكزالىنان شىعارىپ سالدى.
بۇعان دەيٸن ارىستىق وقۋشىلار پاۆلودار (129), اقمولا (145), جامبىل (200), الماتى وبلىستارى (150) مەن نۇر-سۇلتان (200) قالاسىنا دەمالىسقا جولدانعان بولاتىن.
جالپى وسى جازعى دەمالىستا ارىستىڭ 4 مىڭنان استام وقۋشىسىن ٶزگە ٶڭٸرلەرگە دەمالىسقا جٸبەرۋ كٶزدەلگەن. قازٸرگٸ تاڭدا 1 مىڭنان استام وقۋشى دەمالىسقا جٸبەرٸلدٸ. سونىمەن قاتار تٷركٸستان وبلىسىنىڭ اۋداندارى 462 بالانى جازعى ساۋىقتىرۋمەن قامتۋدا. وقۋشىلاردى ارنايى بەكٸتٸلگەن ۇستازدار الىپ جٷرەدٸ جەنە جاس ٶرەندەردٸڭ الاڭسىز تىنىعۋىنا قولايلى جاعداي جاسالعان.
