Arys qalasynyń ákimi Gúljan Qurmanbekovanyń bastamasymen qala aýmaǵynda jasyl jelek aýqymyn keńeitý maqsatynda jumystar júrgizilýde, dep habarlaidy «Ult aqparat» oblys ákimdiginiń baspasóz qyzmetine silteme jasap.
Aýqymdy jumystyń bir parasy Arys – Shymkent, Arys – Shardara avtojolynyń boiyndaǵy jasyl beldeý. Qazir ókpek jolaýshynyń kózin qýantyp, bir kezde qula túz bolyp qýrap jatatyn jerge jaiqalyp ósken kóshetter kún saiyn kóbeiýde.
Qalany kógaldandyrýdyń basynda júrgen «Jasyl Arys» KMM qyzmetkerli búgingi tańda Arys qalasyna qarasty Ormandy eldimekeninde ornalasqan «Syrdariia –Túrkistan» MÓTP tuqymbaǵynan 5000 dana qaraǵash, 500 dana bozarsha qazyp aldy.
Ekosharadan áskeriler de shet qalmady. Jasylarystyqtarǵa járdemge kelgen sarbazdar áp-sátte 70-ten astam kóshettiń túbin qazyp, jańa orynǵa otyrǵyzýǵa daiyn kúige keltirdi.
Tynymsyz tal egip júrgen jasylarystyqtar babyn taýyp, baptai bilseń, búgingi kóshet bolashaqta máýeli baqqa nemese kóleńkeli saiabaqqa ainalady deidi.
Aita keteiik, quramynda 50-ge jýyq qyzmetker, 3 arnaiy tehnikasy bar «Jasyl Arys» KMM-si bir jyldyń ishinde 40 myńnan astam aǵash kóshetterin otyrǵyzyp úlgerdi.
Jalpy, Arys qalasy men aýyldyq okrýgter boiynsha jyl basynan beri otyrǵyzylǵan jas óskinder sany 70-myńǵa jýyqtady.
