ارىس قالاسىنىڭ ەكٸمٸ گٷلجان قۇرمانبەكوۆانىڭ باستاماسىمەن قالا اۋماعىندا جاسىل جەلەك اۋقىمىن كەڭەيتۋ ماقساتىندا جۇمىستار جٷرگٸزٸلۋدە, دەپ حابارلايدى «ۇلت اقپارات» وبلىس ەكٸمدٸگٸنٸڭ باسپاسٶز قىزمەتٸنە سٸلتەمە جاساپ.
اۋقىمدى جۇمىستىڭ بٸر پاراسى ارىس – شىمكەنت, ارىس – شاردارا اۆتوجولىنىڭ بويىنداعى جاسىل بەلدەۋ. قازٸر ٶكپەك جولاۋشىنىڭ كٶزٸن قۋانتىپ, بٸر كەزدە قۇلا تٷز بولىپ قۋراپ جاتاتىن جەرگە جايقالىپ ٶسكەن كٶشەتتەر كٷن سايىن كٶبەيۋدە.
قالانى كٶگالداندىرۋدىڭ باسىندا جٷرگەن «جاسىل ارىس» كمم قىزمەتكەرلٸ بٷگٸنگٸ تاڭدا ارىس قالاسىنا قاراستى ورماندى ەلدٸمەكەنٸندە ورنالاسقان «سىردارييا –تٷركٸستان» مٶتپ تۇقىمباعىنان 5000 دانا قاراعاش, 500 دانا بوزارشا قازىپ الدى.
ەكوشارادان ەسكەريلەر دە شەت قالمادى. جاسىلارىستىقتارعا جەردەمگە كەلگەن ساربازدار ەپ-سەتتە 70-تەن استام كٶشەتتٸڭ تٷبٸن قازىپ, جاڭا ورىنعا وتىرعىزۋعا دايىن كٷيگە كەلتٸردٸ.
تىنىمسىز تال ەگٸپ جٷرگەن جاسىلارىستىقتار بابىن تاۋىپ, باپتاي بٸلسەڭ, بٷگٸنگٸ كٶشەت بولاشاقتا مەۋەلٸ باققا نەمەسە كٶلەڭكەلٸ ساياباققا اينالادى دەيدٸ.
ايتا كەتەيٸك, قۇرامىندا 50-گە جۋىق قىزمەتكەر, 3 ارنايى تەحنيكاسى بار «جاسىل ارىس» كمم-سٸ بٸر جىلدىڭ ٸشٸندە 40 مىڭنان استام اعاش كٶشەتتەرٸن وتىرعىزىپ ٷلگەردٸ.
جالپى, ارىس قالاسى مەن اۋىلدىق وكرۋگتەر بويىنشا جىل باسىنان بەرٸ وتىرعىزىلعان جاس ٶسكٸندەر سانى 70-مىڭعا جۋىقتادى.
