Memleket basshysynyń Ókimimen Arystanbek Muhamediuly Qazaqstan Respýblikasynyń Ulttyq mýzeiiniń direktory qyzmetine taǵaiyndaldy, dep habarlaidy "Ult aqparat" Aqordaǵa silteme jasap.
Sondai-aq, Memleket basshysynyń taǵy bir Ókimimen Almaz Shaikenuly Nurazhan Qazaqstan Respýblikasynyń Ulttyq mýzeiiniń direktory qyzmetinen bosatyldy.
Arystanbek Muhamediuly 1963 jyly 11 aqpan kúni Almaty oblysy Talǵar aýdanynda dúniege kelgen. QR eńbek sińirgen qairatkeri, «Qurmet» ordeniniń iegeri. Birneshe márte QR Prezidenti N.Nazarbaevtyń alǵys hatymen marapattalǵan.
Mádeniet salasynda «World master» joǵary ataǵyna ie. Bunyń aldynda 2008 jyldan beri T.Júrgenov atyndaǵy Qazaq ulttyq óner akademiiasynyń rektory qyzmetin atqarǵan. Óziniń eńbek jolyn 1984 jyly Jambyl atyndaǵy Qazaq memlekettik filarmoniiasynyń memlekettik simfoniialyq orkestriniń ártisi bolyp bastaǵan. 1991-1993 jyldary aralyǵynda Mádeniet ministrliginde maman boldy. 1993 jyly QR Mádeniet ministriniń kómekshisi bolyp taǵaiyndaldy. Ár jyldary QR Prezidentiniń orkestrinde qyzmet atqardy. Sonymen qatar «Qazaq áýenderi» AQ-na basshylyq etti.
2006 jyly QR Mádeniet jáne aqparat vitse-ministri bolyp jumys jasady.
Sondai-aq, ol QR Prezidenti Ákimshiliginiń ishki saiasat bóliminiń mádeniet sektorynyń meńgerýshisi bolǵan.
2014 jyldan 2019 jyldyń maýsym aiyna deiin Mádeniet jáne sport ministri qyzmetin atqarǵan.
