مەملەكەت باسشىسىنىڭ ٶكٸمٸمەن ارىستانبەك مۇحامەديۇلى قازاقستان رەسپۋبليكاسىنىڭ ۇلتتىق مۋزەيٸنٸڭ ديرەكتورى قىزمەتٸنە تاعايىندالدى, دەپ حابارلايدى "ۇلت اقپارات" اقورداعا سٸلتەمە جاساپ.
سونداي-اق, مەملەكەت باسشىسىنىڭ تاعى بٸر ٶكٸمٸمەن الماز شايكەنۇلى نۇرازحان قازاقستان رەسپۋبليكاسىنىڭ ۇلتتىق مۋزەيٸنٸڭ ديرەكتورى قىزمەتٸنەن بوساتىلدى.
ارىستانبەك مۇحامەديۇلى 1963 جىلى 11 اقپان كٷنٸ الماتى وبلىسى تالعار اۋدانىندا دٷنيەگە كەلگەن. قر ەڭبەك سٸڭٸرگەن قايراتكەرٸ, «قۇرمەت» وردەنٸنٸڭ يەگەرٸ. بٸرنەشە مەرتە قر پرەزيدەنتٸ ن.نازارباەۆتىڭ العىس حاتىمەن ماراپاتتالعان.
مەدەنيەت سالاسىندا «World master» جوعارى اتاعىنا يە. بۇنىڭ الدىندا 2008 جىلدان بەرٸ ت.جٷرگەنوۆ اتىنداعى قازاق ۇلتتىق ٶنەر اكادەميياسىنىڭ رەكتورى قىزمەتٸن اتقارعان. ٶزٸنٸڭ ەڭبەك جولىن 1984 جىلى جامبىل اتىنداعى قازاق مەملەكەتتٸك فيلارمونيياسىنىڭ مەملەكەتتٸك سيمفونييالىق وركەسترٸنٸڭ ەرتٸسٸ بولىپ باستاعان. 1991-1993 جىلدارى ارالىعىندا مەدەنيەت مينيسترلٸگٸندە مامان بولدى. 1993 جىلى قر مەدەنيەت مينيسترٸنٸڭ كٶمەكشٸسٸ بولىپ تاعايىندالدى. ەر جىلدارى قر پرەزيدەنتٸنٸڭ وركەسترٸندە قىزمەت اتقاردى. سونىمەن قاتار «قازاق ەۋەندەرٸ» اق-نا باسشىلىق ەتتٸ.
2006 جىلى قر مەدەنيەت جەنە اقپارات ۆيتسە-مينيسترٸ بولىپ جۇمىس جاسادى.
سونداي-اق, ول قر پرەزيدەنتٸ ەكٸمشٸلٸگٸنٸڭ ٸشكٸ ساياسات بٶلٸمٸنٸڭ مەدەنيەت سەكتورىنىڭ مەڭگەرۋشٸسٸ بولعان.
2014 جىلدان 2019 جىلدىڭ ماۋسىم ايىنا دەيٸن مەدەنيەت جەنە سپورت مينيسترٸ قىزمەتٸن اتقارعان.
