Qurmetti dostar!
Búgin Astana qalasyndaǵy "Qazaqstan" ortalyq kontsert zalynda "Qazaq Eli" serialynyń kinonusqasy – "Almas qylysh" filminiń tusaýkeseri ótti. Bul aýqymdy tarihi jobanyń avtory – QR Prezidenti N. Á. Nazarbaev. Film QR Mádeniet jáne sport ministrliginiń tapsyrysy boiynsha Sh.Aimanov atyndaǵy "Qazaqfilm" AQ "CentaurusRustemAbdrashevproduction" JShS-niń qatysýymen túsirilgen.
Elbasy qazaqstandyq buqaralyq aqparat quraldaryna bergen suhbatynda: "Kerei men Jánibek –Shyńǵys hannyń urpaqtary. Olar 550 jyl buryn Shýdyń boiynda Qazaq handyǵyn qurdy. Sonyń bári bizdiń jastarǵa, bizdiń urpaǵymyzǵa tamyrymyzdyń tereń ekenin kórsetedi. "Tamyry tereń qara emen, qasqaia kúter daýyldy" degen naqyl bar. Tamyryń tereń bolsa, qandai daýyl bolsa da qasqaia kóteresiń. Tarihymyzdy zerttep, halqymyzdyń tarihymyz týraly bilimin arttyrý qajet", - degen bolatyn.
Film týraly: HV ǵasyrdyń orta tusy. Qara teńiz jaǵalaýynan Mońǵoliiaǵa deiingi Eýraziia keńistiginde bir kezde zor qýatty imperiia bolǵan Altyn Orda qulaǵannan keiin birneshe jeke handyqtar quryldy. Olardyń ishinen qazirgi Qazaqstannyń aýmaǵyn jailap jatqan Aq orda erekshelendi. Aq orda biligi Shyńǵyshannyń nemeresi, Joshynyń úlken uly Orda Ejenniń áýletine tiesili boldy. Arada ýaqyt óte kele Shaibanitterdiń kishi tarmaǵynan shyǵatyn Ábilqaiyr óz biligin kúsheitip, jeke handyq qurdy. Ol kóshpendilerge qatygez, aiaýsyz saiasat ustanǵan bolatyn.
1460 jyl. Orda Ejennińupaqtary– Kereimen Jánibektiń ainalasyna birikken ondaǵan myń kóshpendiler aqsaqaldar keńesinde sheshim qabyldap, Ábilqaiyrdan bólinip shyǵady. Sultandar Moǵolstannyń shekarasyna deiin jetkende, jergilikti bileýshi Esen-buǵa olarǵa qonys berýge kelisedi. Esimi ańyzǵa ainalǵan abyz Asanqaiǵy da kóshke ilesip, bólinip shyǵýǵa sebep bolǵan oqiǵalardy jyryna qosady.
Jánibek pen Kerei Ábilqaiyrdyń handyǵynan bólinip, óz ulystaryn qurýǵa bekindi. Kerei men Jánibekke qosylǵan rýlardyń basshy-bileri quryltai ótkizedi. Eń aldymen, judyryqtai jumylǵan yntymaq kerek ekenin eskergen olar Kereidi han sailap, Qazaq handyǵynyń qurylǵanyn pash etedi.
Filmniń stsenariii Iliias Esenberlinniń "Almas qylysh" romanynyń negizinde jazylǵan.
Filmniń rejisseri – Qazaqstan Respýblikasynyń Eńbek sińirgen qairatkeri, kinorejisser, stsenarist jáne sýretshi Rústem Ábdirashov. Ol "Quraq kórpe", ""Qaladan kelgen qyz", "Stalinge syilyq", Elbasy joly kinoepopeiasynyń: "Balalyq shaǵymnyń aspany", "Ot-ózen", "Temirtaý", "Tyǵyryqtan jol tapqan" atty kinotýyndylarynyń avtory.
Filmniń túsirilim jumystary Almaty jáne Almaty oblysynda ótken. Túsirilimniń bir bóligi "Qazaqfilmniń" pavilondarynda qurylǵan dekoratsiialarda, sonymen qatar kinostýdiianyń aýmaǵynda sýretshiler turǵyzǵan Shaibanshahtyń saraiynda ótken. Filmdi jasaýǵa 500-den astam adam jumyldyrylǵan, olardyń 200-ge jýyǵy túsirilim tobynyń músheleri. Túsirilimder bes aiǵa sozylyp, 30 nysan paidalanylǵan.
"Almas qylysh" filmi jalpyulttyq prokatqa 2017 jyldyń qańtar aiynan bastap shyǵady.
Qoiýshy-rejisseri: Rústem Ábdirashov
Stsenarii avtorlary: Smaǵul Elýbai, Timýr Jaqsylyqov, Rústem Ábdirashov
Qoiýshy sýretshileri: Ómirzaq Shmanov, Sábit Qurmanbekov, Edil Núsipov pen Jannat Baimuqanovanyń qatysýymen
Qoiýshy operatorlary: Sapar Koichýmanov, Aleksandr Plotnikov jáne Andrei Maslov.
Bas prodiýseri: Arman Ásenov
Filmniń prodiýseri: Ińkár Ábdirash
Kompozitory: Ábilqaiyr Ábdirash
Basty rólde: Qairat Kemalov, Erkebulan Daiyrov, Doshan Joljaqsynov, Iisbek Ábilmájinov, Aian Ótepbergen, Meiirǵat Amangeldin, Niiazbek Shaisultanov, Bekbolat Tileýhan, Arman Qoja, Shuǵyla Saparǵali, Madina Esmanova, Qarlyǵash Muhamedjanova, Ińkár Ábdirash, Dinmuhamed Aqymov jáne basqalar.
Mádeniet jáne sport ministri Arystanbek Muhamediulynyń feisbýktegi jazbasynan
