Arys qalasyndaǵy jarylystardan keiin qarý, basqalarǵa qaýip týdyratyn zattar men nárselerdi saqtaý erejesin buzý baby boiynsha qylmystyq is qozǵaldy. Aqparatty Ishki ister ministrligi rastady, dep habarlaidy "Ult aqparat".
"Osy fakti boiynsha IIM-niń ońtústik óńirlik áskeri-tergeý basqarmasynyń Shymkent bólimi Qylmystyq kodekstiń 462-babynyń 1-bóligi (qarý, sondai-aq basqalarǵa qaýip týdyratyn zattar men nárselerdi saqtaý erejesin buzý) boiynsha qylmystyq is tirkedi. Barlyq jaǵdai ishki ister organdarynyń qadaǵalaýynda" delingen jazbada.
Bul zańbuzýshylyq kezinde eki myń ailyq eseptik kórsetkishke (1 AEK – 2525 teńge) deiingi mólsherdegi aiyppul nemese ne sol mólsherde túzeý jumystarymen tartý kózdelgen. Eki jylǵa deiingi merzimge bas bostandyǵyn shekteý nemese sol merzimge bas bostandyǵynan aiyrý jazasy da qoldanylýy múmkin.
