ارىس قالاسىنداعى جارىلىستاردان كەيٸن قارۋ, باسقالارعا قاۋٸپ تۋدىراتىن زاتتار مەن نەرسەلەردٸ ساقتاۋ ەرەجەسٸن بۇزۋ بابى بويىنشا قىلمىستىق ٸس قوزعالدى. اقپاراتتى ٸشكٸ ٸستەر مينيسترلٸگٸ راستادى, دەپ حابارلايدى "ۇلت اقپارات".
"وسى فاكتٸ بويىنشا ٸٸم-نٸڭ وڭتٷستٸك ٶڭٸرلٸك ەسكەري-تەرگەۋ باسقارماسىنىڭ شىمكەنت بٶلٸمٸ قىلمىستىق كودەكستٸڭ 462-بابىنىڭ 1-بٶلٸگٸ (قارۋ, سونداي-اق باسقالارعا قاۋٸپ تۋدىراتىن زاتتار مەن نەرسەلەردٸ ساقتاۋ ەرەجەسٸن بۇزۋ) بويىنشا قىلمىستىق ٸس تٸركەدٸ. بارلىق جاعداي ٸشكٸ ٸستەر ورگاندارىنىڭ قاداعالاۋىندا" دەلٸنگەن جازبادا.
بۇل زاڭبۇزۋشىلىق كەزٸندە ەكٸ مىڭ ايلىق ەسەپتٸك كٶرسەتكٸشكە (1 اەك – 2525 تەڭگە) دەيٸنگٸ مٶلشەردەگٸ ايىپپۇل نەمەسە نە سول مٶلشەردە تٷزەۋ جۇمىستارىمەن تارتۋ كٶزدەلگەن. ەكi جىلعا دەيiنگi مەرزiمگە باس بوستاندىعىن شەكتەۋ نەمەسە سول مەرزٸمگە باس بوستاندىعىنان ايىرۋ جازاسى دا قولدانىلۋى مٷمكٸن.
