Arys qalasyndaǵy tótenshe jaǵdaidy joiý barysynda zardap shekken eki áskeri qyzmetshi Áskeri-klinikalyq gospitalden shyǵarylyp, Almatydaǵy ózderiniń áskeri bólimderine ornalastyryldy. Bul jaiynda QR Qorǵanys ministrliginiń baspasóz qyzmetinen málim etti, dep habarlaidy "Ult aqparat".
Meditsinalyq mekeme málimetinshe, emdelýshiler áskeri-dárigerlik komissiiadan ótken. Qazirgi kezde olardyń jaǵdaiy jaqsy. Gospitaldan shyǵarylǵan áskeri qyzmetshiler tolyqtai qalypqa kelgenge deiin áskeri qyzmettik mindetinen bosatyldy.
Qazirgi kezde qalǵan 8 áskeri qyzmetshi Almaty qalasyndaǵy áskeri gospitalde em alyp jatyr. Áskeri dárigerler olardyń jaǵdaiyn birqalypty dep baǵalaýda. Áskeri-klinikalyq gopital bastyǵy, meditsinalyq qyzmet polkovnigi Samat Sársenovtiń aitýynsha, qajetti aspaptyq zerthanalyq-diagnostikalyq tekserýler júrgizilip, josparly em qabyldaý jalǵasýda.
Buǵan deiin habarlaǵanymyzdai, 21 qyrkúiekte arnaiy top Arys qalasynan 60 shaqyrymda ornalasqan arnaiy-jabdyqtalǵan poligonnyń aýmaǵynda shetel sarapshylarynyń nusqaýlary men usynymdaryna sáikes, josparly jarý jumystaryn júrgizdi.
Jumys barysynda jarylys shuńqyrynyń túbinde qol granatasynyń tutandyrǵysh bóliginde jarylys boldy.
