ارىس قالاسىنداعى تٶتەنشە جاعدايدى جويۋ بارىسىندا زارداپ شەككەن ەكٸ ەسكەري قىزمەتشٸ ەسكەري-كلينيكالىق گوسپيتالدەن شىعارىلىپ, الماتىداعى ٶزدەرٸنٸڭ ەسكەري بٶلٸمدەرٸنە ورنالاستىرىلدى. بۇل جايىندا قر قورعانىس مينيسترلٸگٸنٸڭ باسپاسٶز قىزمەتٸنەن مەلٸم ەتتٸ, دەپ حابارلايدى "ۇلت اقپارات".
مەديتسينالىق مەكەمە مەلٸمەتٸنشە, ەمدەلۋشٸلەر ەسكەري-دەرٸگەرلٸك كوميسسييادان ٶتكەن. قازٸرگٸ كەزدە ولاردىڭ جاعدايى جاقسى. گوسپيتالدان شىعارىلعان ەسكەري قىزمەتشٸلەر تولىقتاي قالىپقا كەلگەنگە دەيٸن ەسكەري قىزمەتتٸك مٸندەتٸنەن بوساتىلدى.
قازٸرگٸ كەزدە قالعان 8 ەسكەري قىزمەتشٸ الماتى قالاسىنداعى ەسكەري گوسپيتالدە ەم الىپ جاتىر. ەسكەري دەرٸگەرلەر ولاردىڭ جاعدايىن بٸرقالىپتى دەپ باعالاۋدا. ەسكەري-كلينيكالىق گوپيتال باستىعى, مەديتسينالىق قىزمەت پولكوۆنيگٸ سامات سەرسەنوۆتٸڭ ايتۋىنشا, قاجەتتٸ اسپاپتىق زەرتحانالىق-دياگنوستيكالىق تەكسەرۋلەر جٷرگٸزٸلٸپ, جوسپارلى ەم قابىلداۋ جالعاسۋدا.
بۇعان دەيٸن حابارلاعانىمىزداي, 21 قىركٷيەكتە ارنايى توپ ارىس قالاسىنان 60 شاقىرىمدا ورنالاسقان ارنايى-جابدىقتالعان پوليگوننىڭ اۋماعىندا شەتەل ساراپشىلارىنىڭ نۇسقاۋلارى مەن ۇسىنىمدارىنا سەيكەس, جوسپارلى جارۋ جۇمىستارىن جٷرگٸزدٸ.
جۇمىس بارىسىندا جارىلىس شۇڭقىرىنىڭ تٷبٸندە قول گراناتاسىنىڭ تۇتاندىرعىش بٶلٸگٸندە جارىلىس بولدى.
