Qorǵanys ministri Nurlan Ermekbaev Arystaǵy jarylys kezinde bir adam qaza tapqanyn málimdedi, dep habarlaidy "Ult aqparat".
"Eń aldymen qaza tapqan kisiniń jaqyn týystary men jaraqat alǵandarǵa kóńil aitamyz", - dedi ol.
Aita keteiik, búgin tańerteń Túrkistan oblysynyń Arys qalasyndaǵy áskeri bólim qoimasynda jarylys boldy. Birneshe óńirdiń Tótenshe jaǵdailar departamenti shuǵyl jeliler qurdy. Kóp uzamai oblys basshysy Ómirzaq Shókeev bastaǵan arnaiy komissiia Arystaǵy áskeri bólimge attandy. Jaǵdaidyń aýqymymen tanysqan óńir ákimi Arys turǵyndaryn evakýatsiialaý týraly sheshim qabyldanǵanyn málim etti. QR IIM Tótenshe jaǵdailar komiteti turǵyndar qaida jáne qalai evakýatsiialanyp jatqanyn habarlady.
QR Prezidenti Qasym-Jomart Toqaev tiisti organdarǵa Arystaǵy tótenshe jaǵdaidyń zardaptaryn joiý týraly tapsyrma berdi.
Keiin habarlanǵandai, oqiǵa ornyna Qorǵanys ministri Nurlan Ermekbaev ushyp shyqty.
Sońǵy málimetter boiynsha, oqiǵa saldarynan 46 adam zardap shekti.
