Arystaǵy jarylysqa qatysty Shymkent qalalyq tótenshe jaǵdailar departamenti basshysynyń orynbasary Erǵali Bahaev turǵyndardy sabyrlyqqa shaqyrady, dep jazady Otyrar.kz.
«Turǵyndar qońyraý shalyp, Arystaǵy jarylystardyń qaýiptiligine qatysty suraqtar qoiýda. Alańdaýǵa negiz joq, ýaiymdamańyzdar, Arys qalasy aýmaǵynda himiialyq nysandar joq. Jáne bakteriologiialyq, biologiialyq qaýip qater joq» dedi E.Bahaev.
Eske salsaq, Arys qalasyndaǵy áskeri bólimniń qoimasynda jarylys bolǵandyǵy týraly habarlaǵan bolatynbyz. QR Qorǵanys ministrligi Arystaǵy jarylystan zardap shekkender joq ekendigin jariialady. Al QR Prezidenti Qasym-Jomart Toqaev tiisti organdarǵa Arystaǵy áskeri bólimdegi oq-dári qoimasynda bolǵan jarylystyń zardaptaryn joiý týraly tapsyrma berdi.
