Ishki ister vitse-ministri Iýrii Ilin Arystaǵy jarylys saldarynan eki adamnyń qalai kóz jumǵanyn aitty, – dep habarlaidy QazAqparat.
«Buǵan deiin habarlaǵanymyzdai, jarylys saldarynan eki adam qaza tapty. Onyń biri Arys qalasynyń turǵyny bolǵan. Snariad avtokólikke túsip, onyń ishindegi adam kóz jumdy. Mert bolǵan adamnyń ekinshisi - Qorǵanys ministrliginiń áskeri qyzmetshisi. Onyń denesi izdeý jumystary kezinde áskeri bólimnen jaqyn jerden tabyldy» dedi Úkimet otyrysynan keiin tilshilerdiń suraǵyna jaýap bergen Ishki ister vitse-ministri Iýrii Ilin.
Vitse-ministrdiń aitýyna qaraǵanda, qazirgi ýaqytta oqiǵa ornynda saperler jumys júrgizip jatyr.
Eske sala ketsek, Arys qalasyndaǵy áskeri bólimniń qoimasynda keshe tańerteń jarylys bolǵandyǵy týraly habarlaǵan bolatynbyz. Apat saldarynan eki adam mert boldy. Túrkistan oblysyna arnaiy barǵan Qazaqstan Prezidenti Qasym-Jomart Toqaev Arystaǵy áskeri bólimshedegi oq-dári qoimasyndaǵy jarylystan zardap shekken qala turǵyndarymen kezdesip, qalanyń qalpyna keltiriletinine ýáde berdi.
