ٸشكٸ ٸستەر ۆيتسە-مينيسترٸ يۋريي يلين ارىستاعى جارىلىس سالدارىنان ەكٸ ادامنىڭ قالاي كٶز جۇمعانىن ايتتى, – دەپ حابارلايدى قازاقپارات.
«بۇعان دەيٸن حابارلاعانىمىزداي, جارىلىس سالدارىنان ەكٸ ادام قازا تاپتى. ونىڭ بٸرٸ ارىس قالاسىنىڭ تۇرعىنى بولعان. سنارياد اۆتوكٶلٸككە تٷسٸپ, ونىڭ ٸشٸندەگٸ ادام كٶز جۇمدى. مەرت بولعان ادامنىڭ ەكٸنشٸسٸ - قورعانىس مينيسترلٸگٸنٸڭ ەسكەري قىزمەتشٸسٸ. ونىڭ دەنەسٸ ٸزدەۋ جۇمىستارى كەزٸندە ەسكەري بٶلٸمنەن جاقىن جەردەن تابىلدى» دەدٸ ٷكٸمەت وتىرىسىنان كەيٸن تٸلشٸلەردٸڭ سۇراعىنا جاۋاپ بەرگەن ٸشكٸ ٸستەر ۆيتسە-مينيسترٸ يۋريي يلين.
ۆيتسە-مينيستردٸڭ ايتۋىنا قاراعاندا, قازٸرگٸ ۋاقىتتا وقيعا ورنىندا ساپەرلەر جۇمىس جٷرگٸزٸپ جاتىر.
ەسكە سالا كەتسەك, ارىس قالاسىنداعى ەسكەري بٶلٸمنٸڭ قويماسىندا كەشە تاڭەرتەڭ جارىلىس بولعاندىعى تۋرالى حابارلاعان بولاتىنبىز. اپات سالدارىنان ەكٸ ادام مەرت بولدى. تٷركٸستان وبلىسىنا ارنايى بارعان قازاقستان پرەزيدەنتٸ قاسىم-جومارت توقاەۆ ارىستاعى ەسكەري بٶلٸمشەدەگٸ وق-دەرٸ قويماسىنداعى جارىلىستان زارداپ شەككەن قالا تۇرعىندارىمەن كەزدەسٸپ, قالانىڭ قالپىنا كەلتٸرٸلەتٸنٸنە ۋەدە بەردٸ.
