Foto: Polisia.kz
Arysta kisi óltirdi degen kúdikpen úsh er adam ustaldy, dep habarlaidy "Ult aqparat" Polisia.kz Telegram-arnasyna silteme jasap.
IIM kriminaldyq politsiia departamenti men Túrkistan oblysy politsiia departamentiniń qyzmetkerleri birlesip ótkizgen jedel-izdestirý is-sharalary barysynda Arys qalasynda aýyr qylmys jasady degen kúdikke ilingen úsh adamdy, iaǵni tapsyrys berýshi men eki oryndaýshyny ustaǵan.
"Eske sala ketsek, 5 tamyz kúni belgisiz bireýler salynyp jatqan úidiń aýmaǵyna kirip, qarýdan oq atyp, qashyp ketken. Úi iesi men onyń tanysy alǵan jaraqattarynan qaitys bolyp, taǵy eki adam aýrýhanaǵa jetkizildi.
Bul fakt QR QK-niń 99-baby "Kisi óltirý" boiynsha tirkelip, tergep-tekserý bastaldy.
Úsh kúdikti ýaqytsha ustaý izoliatoryna qamaldy. Olardan "Saiga" qarýy men tegis uńǵyly 12 kalibrli sholaq myltyq, mototsikl men betperdeler tárkilendi" - delingen habarlamada.
