فوتو: Polisia.kz
ارىستا كٸسٸ ٶلتٸردٸ دەگەن كٷدٸكپەن ٷش ەر ادام ۇستالدى, دەپ حابارلايدى "ۇلت اقپارات" Polisia.kz Telegram-ارناسىنا سٸلتەمە جاساپ.
ٸٸم كريمينالدىق پوليتسييا دەپارتامەنتٸ مەن تٷركٸستان وبلىسى پوليتسييا دەپارتامەنتٸنٸڭ قىزمەتكەرلەرٸ بٸرلەسٸپ ٶتكٸزگەن جەدەل-ٸزدەستٸرۋ ٸس-شارالارى بارىسىندا ارىس قالاسىندا اۋىر قىلمىس جاسادى دەگەن كٷدٸككە ٸلٸنگەن ٷش ادامدى, ياعني تاپسىرىس بەرۋشٸ مەن ەكٸ ورىنداۋشىنى ۇستاعان.
"ەسكە سالا كەتسەك, 5 تامىز كٷنٸ بەلگٸسٸز بٸرەۋلەر سالىنىپ جاتقان ٷيدٸڭ اۋماعىنا كٸرٸپ, قارۋدان وق اتىپ, قاشىپ كەتكەن. ٷي يەسٸ مەن ونىڭ تانىسى العان جاراقاتتارىنان قايتىس بولىپ, تاعى ەكٸ ادام اۋرۋحاناعا جەتكٸزٸلدٸ.
بۇل فاكت قر قك-نٸڭ 99-بابى "كٸسٸ ٶلتٸرۋ" بويىنشا تٸركەلٸپ, تەرگەپ-تەكسەرۋ باستالدى.
ٷش كٷدٸكتٸ ۋاقىتشا ۇستاۋ يزولياتورىنا قامالدى. ولاردان "سايگا" قارۋى مەن تەگٸس ۇڭعىلى 12 كاليبرلٸ شولاق مىلتىق, موتوتسيكل مەن بەتپەردەلەر تەركٸلەندٸ" - دەلٸنگەن حابارلامادا.
