Arysta 350 adam joǵaldy degen aqparat shyndyqqa janaspaidy. Bul týraly ishki ister ministriniń keńesshisi Nurdildá Oraz málimdedi, dep habarlaidy Sputnik Qazaqstan.
"Qazaqstannyń ishki ister ministrligi Arys qalasynda 350 adamnyń joǵalǵany týraly aqparattyń jalǵan ekenin resmi túrde málimdeidi. Bul aqparat oqiǵanyń birinshi kúni taraǵan bolatyn jáne ol boiynsha sol kezde tiisti málimdemeler jasaldy", - dedi Oraz.
Ol politseiler men ulttyq ulan áskeri qyzmetshileri Arystyń turǵyndaryn evakýatsiialaýmen, olardyń jeke kýáligin anyqtaý boiynsha barlyq tiisti is-shara júrgizgenin atap ótti.
"Qazaqstannyń ishki ister ministrligi turǵyndardan áleýmettik jeliler men WhatsApp arqyly taralyp jatqan jalǵan aqparattarǵa senbeýin jáne úreige boi aldyrmaýyn suraidy", - dedi ministrdiń keńesshisi.
Oraz jalǵan aqparat taratqandarǵa Qylmystyq kodekstiń 274-baby boiynsha jaýapkershilik qarastyrylǵanyn eske saldy.
Sonymen qatar, ol resmi aqparat turaqty túrde arnaiy qurylǵan jedel shtab arqyly taralatynyn aitty.
Arystaǵy tótenshe jaǵdaiǵa bailanysty Shymkent qalasynyń tótenshe jaǵdailar departamentinde táýlik boiy qaýyrt jeli jumys isteidi.
Qajetti aqparatty 8 7252 44 94 72 nemese 87252 35 33 66 nómirlerine habarlasyp alýǵa bolady.
Aita ketsek, búgin tańerteń birqatar BAQ-ta Arystaǵy jarylystan keiin 300-den asa adamnyń iz-tússiz joǵalyp ketkeni habarlanǵan bolatyn.
