ارىستا 350 ادام جوعالدى دەگەن اقپارات شىندىققا جاناسپايدى. بۇل تۋرالى ٸشكٸ ٸستەر مينيسترٸنٸڭ كەڭەسشٸسٸ نۇردٸلدە وراز مەلٸمدەدٸ, دەپ حابارلايدى Sputnik قازاقستان.
"قازاقستاننىڭ ٸشكٸ ٸستەر مينيسترلٸگٸ ارىس قالاسىندا 350 ادامنىڭ جوعالعانى تۋرالى اقپاراتتىڭ جالعان ەكەنٸن رەسمي تٷردە مەلٸمدەيدٸ. بۇل اقپارات وقيعانىڭ بٸرٸنشٸ كٷنٸ تاراعان بولاتىن جەنە ول بويىنشا سول كەزدە تيٸستٸ مەلٸمدەمەلەر جاسالدى", - دەدٸ وراز.
ول پوليتسەيلەر مەن ۇلتتىق ۇلان ەسكەري قىزمەتشٸلەرٸ ارىستىڭ تۇرعىندارىن ەۆاكۋاتسييالاۋمەن, ولاردىڭ جەكە كۋەلٸگٸن انىقتاۋ بويىنشا بارلىق تيٸستٸ ٸس-شارا جٷرگٸزگەنٸن اتاپ ٶتتٸ.
"قازاقستاننىڭ ٸشكٸ ٸستەر مينيسترلٸگٸ تۇرعىنداردان ەلەۋمەتتٸك جەلٸلەر مەن WhatsApp ارقىلى تارالىپ جاتقان جالعان اقپاراتتارعا سەنبەۋٸن جەنە ٷرەيگە بوي الدىرماۋىن سۇرايدى", - دەدٸ مينيستردٸڭ كەڭەسشٸسٸ.
وراز جالعان اقپارات تاراتقاندارعا قىلمىستىق كودەكستٸڭ 274-بابى بويىنشا جاۋاپكەرشٸلٸك قاراستىرىلعانىن ەسكە سالدى.
سونىمەن قاتار, ول رەسمي اقپارات تۇراقتى تٷردە ارنايى قۇرىلعان جەدەل شتاب ارقىلى تارالاتىنىن ايتتى.
ارىستاعى تٶتەنشە جاعدايعا بايلانىستى شىمكەنت قالاسىنىڭ تٶتەنشە جاعدايلار دەپارتامەنتٸندە تەۋلٸك بويى قاۋىرت جەلٸ جۇمىس ٸستەيدٸ.
قاجەتتٸ اقپاراتتى 8 7252 44 94 72 نەمەسە 87252 35 33 66 نٶمٸرلەرٸنە حابارلاسىپ الۋعا بولادى.
ايتا كەتسەك, بٷگٸن تاڭەرتەڭ بٸرقاتار باق-تا ارىستاعى جارىلىستان كەيٸن 300-دەن اسا ادامنىڭ ٸز-تٷسسٸز جوعالىپ كەتكەنٸ حابارلانعان بولاتىن.
