El Táýelsizdiginiń 30 jyldyǵy qarsańynda Túrkistan oblysynyń Arys qalasyndaǵy Mádeniet úiinde Qazaqstannyń Halyq ártisi, kompozitor Shámshi Qaldaiaqovqa eskertkish-biýst ornatyldy, dep habarlaidy QazAqparat.
Sondai-aq óskeleń urpaqqa sazgerdi nasihattaý maqsatynda biýst janynan «Shámshi buryshy» ornalastyryldy.
Saltanatty is-sharaǵa qala turǵyndarymen qatar, Almatydan kelgen bir top ziialy qaýym ókilderi qatysty.
Jiynda sóz sóilegen qala ákimi Gúljan Qurmanbekova arystyqtardyń erekshe yqylasyna bólengen uly kompozitor týraly aqjarma tilegin jetkizdi.
Shara sońy qalalyq Mádeniet úiiniń ónerpazdary uiymdastyrǵan kontserttik baǵdarlamaǵa ulasty.
Aita keterligi, eskertkish-biýst avtory – Arys qalasynyń týmasy, Qazaqstannyń Eńbek sińirgen óner qairatkeri, músinshi Tileýberdi Binashev óner týyndysyn qalanyń 65 jyldyq mereitoiyna orai syiǵa tartty.
