ەل تەۋەلسٸزدٸگٸنٸڭ 30 جىلدىعى قارساڭىندا تٷركٸستان وبلىسىنىڭ ارىس قالاسىنداعى مەدەنيەت ٷيٸندە قازاقستاننىڭ حالىق ەرتٸسٸ, كومپوزيتور شەمشٸ قالداياقوۆقا ەسكەرتكٸش-بيۋست ورناتىلدى, دەپ حابارلايدى قازاقپارات.
سونداي-اق ٶسكەلەڭ ۇرپاققا سازگەردٸ ناسيحاتتاۋ ماقساتىندا بيۋست جانىنان «شەمشٸ بۇرىشى» ورنالاستىرىلدى.
سالتاناتتى ٸس-شاراعا قالا تۇرعىندارىمەن قاتار, الماتىدان كەلگەن بٸر توپ زييالى قاۋىم ٶكٸلدەرٸ قاتىستى.
جيىندا سٶز سٶيلەگەن قالا ەكٸمٸ گٷلجان قۇرمانبەكوۆا ارىستىقتاردىڭ ەرەكشە ىقىلاسىنا بٶلەنگەن ۇلى كومپوزيتور تۋرالى اقجارما تٸلەگٸن جەتكٸزدٸ.
شارا سوڭى قالالىق مەدەنيەت ٷيٸنٸڭ ٶنەرپازدارى ۇيىمداستىرعان كونتسەرتتٸك باعدارلاماعا ۇلاستى.
ايتا كەتەرلٸگٸ, ەسكەرتكٸش-بيۋست اۆتورى – ارىس قالاسىنىڭ تۋماسى, قازاقستاننىڭ ەڭبەك سٸڭٸرگەن ٶنەر قايراتكەرٸ, مٷسٸنشٸ تٸلەۋبەردٸ بيناشەۆ ٶنەر تۋىندىسىن قالانىڭ 65 جىلدىق مەرەيتويىنا وراي سىيعا تارتتى.
