Almatylyq jigit Miss Virtual Kazakhstan arýlar sulýlyq baiqaýynyń finalyna deiin jetken.
22 jastaǵy Ilai Diagilev konkýrsqa qatysý úshin shymkenttik arý Arina Álievanyń beinesinde fotosýretterin joldaidy. Jas jigittiń fotosy qazaqstandyqtardyń kóbisine unap, saiystyń finalyna deiin jetken.
Sputnik Qazaqstan tilshisi Ilaimen suhbattasyp, erekshe oqiǵanyń qalai bolǵanyn bildi.
"Dostarymmen sulýlyq taqyrybynda daýlasyp qaldym. Sodan osy baiqaýǵa qatysaiyn dep sheshim qabyldadym. Men tabiǵi sulýlyqty qoldaimyn. Qazir, ózderińiz kórip otyrsyzdar, barlyq qyz birdei boianyp, kiinedi jáne olar zaman aǵymynan qalmasam, ádemi kórinemin dep oilaidy. Men olai eseptemeimin", — dep pikir bólisti Ilai.
Almatylyq jigit bet-aýzyn boiap, álem-jálem bolyp kiinetin qyzdardy emes, tabiǵi sulýlyqty nasihattaý qajet ekenin atap ótti.
"Men finalǵa deiin jetip, jaǵdaidyń ýshyǵyp bara jatqanyn túsingende Arina Álievanyń kim ekenin aitaiyn dep sheshtim. Qazaqstannan 4 myńǵa jýyq ótinim tústi, sonyń ishinde men finalǵa óttim", — dedi Diagilev.
Aita keteiik, osy jaǵdaidan keiin Miss Virtual Kazakhstan-2018 uiymdastyrý komitetiniń sheshimimen ońtústikqazaqstandyq Arina Álieva jalǵan málimet bergeni úshin saiystan shyǵarylyp, ornyna basqa arý qatystyrylǵan.
Ilai Diagilev Almatyda model bolyp jumys isteidi.
