Qaraǵandy oblysynyń politseileri "ArselorMittalTemirtaý" AQ zańgeriniń ólimine qatysty kúdiktilerdi ustady, - dep habarlaidy "Ult aqparat" Polisia.kz-ke silteme jasap.
"Júrgizilgen jedel-tergeý is-sharalarynyń nátijesinde 53 jastaǵy Shahtinsk qalasy turǵynynyń ólimine qatysy bar degen kúdikpen atalǵan qalanyń turǵyndary - 52 jastaǵy er adam men 44 jastaǵy áiel anyqtalyp ustaldy.
Qylmystyq oqiǵa jábirlenýshiniń kásibi qyzmetimen bailanysty emes. Aiǵaq zattar tárkilendi. Qazirgi ýaqytta tiisti saraptamalar taǵaiyndaldy" - dedi Qaraǵandy oblysy Politsiia departamentiniń bastyǵy Erlan Faizýllin.
Bul derekke bailanysty Qazaqstan Respýblikasy Qylmystyq Kodeksiniń 99-babyna ("Adam óltirý") sáikes qylmystyq is qozǵalǵan.
Eske salaiyq, 23 sáýirde Shahtinsk qalasynda 1969 jyly týǵan áiel adamnyń, iaǵni "ArselorMittal Temirtaý" zańgeriniń denesi órt shyqqan páterden tabylǵany habarlanǵan bolatyn.
TJD ókilderi bes adamdy evakýatsiialady. Órt saǵat 13.31-de tolyq sóndirildi.
