Foto: bwbx.io
Qaraǵandy oblystyq prokýratýrasynyń taǵaiyndaýymen Qaraǵandy aýmaqtyq departamentiniń barlyq qyzmetkeri "ArselorMittal Temirtaýǵa" tekserý júrgizdi, dep habarlaidy tehnikalyq retteý jáne metrologiia komitetiniń baspasóz qyzmeti.
Jeti shahta men "Vostochnyi" ortalyq baiytý fabrikasynyń qyzmeti tekserildi. Barlyq segiz obektide tekserý merzimi ótken 89 ólshem quralyn qoldaný faktisi anyqtaldy.
"Osyndai ólsheý quraldarynyń durys emes nátije kórsetýinen jeke jáne zańdy tulǵalardyń múddesin qorǵaý qamtamasyz etilmegen jáne bul jerasty tásilimen tas kómirin óndiretin qyzmetkerlerdiń ómiri men densaýlyǵyna qaýip tóndiredi", - dedi komitet tóraǵasy Qýanysh Elikbaev.
Bul quraldar: ár túrli tiptegi elektrokontaktili manometrler, tehnikalyq manometrler, torly jáne skiptik kótergishter, kompressorlyq, qazandyq, kómir jynystarynyń kóterilýi, jeldetý kótergishteri siiaqty ýchaskelerde qoldanylatyn termometrler.
Oblystyq prokýratýra usynysy men materialdarynyń negizinde "ArselorMittal Temirtaý" ákimshilik jaýapkershilikke tartyldy. Sondai-aq kásiporynda kemshilikter joiyldy.
Taǵy bir aita ketetin jait, "ArselorMittal Temirtaýda" tas kómirdi jerasty tásilimen óndirý kezinde memlekettik retteýge jatpaityn ólsheýler júrgiziletini anyqtalǵan.
Bul eńbek qaýipsizdigine tikelei áser etedi. Jumystardyń qaýipsizdigin qamtamasyz etý úshin departament ólshemder tizbesin odan ári qaraý jáne olardy salalyq memlekettik organdardyń bekitýi úshin usynystar daiyndady.
