Foto: primeminister.kz
Úkimet otyrysynan keiingi baspasóz konferentsiiasynda Ónerkásip jáne qurylys ministri Qanat Sharlapaev «ArselorMittal Temirtaýdyń» aktivterin qaitarýǵa biýjet qarjysy jumsalmaitynyn aitty, dep habarlaidy Kazinform agenttigi.
«Bul kompaniiany Qazaqstan paidasyna alý qanshaǵa túsýi múmkin? Biz oligarh Mittalǵa qandai da bir soma tóleýmiz kerek qoi?» - dep surady jýrnalist.
Ministr «ArselorMittal Temirtaý» kásipornynyń aktsioneri qundy qaǵazdar naryǵyna qatysatyn jariia kompaniia ekenin atap ótti.
«Bul - álemdegi metal men bolat óndirýshi ekinshi kompaniia, iaǵni bul jerde biz birinshi kezekte jariia kompaniia bolyp esepteletin zańdy tulǵamen dialog júrgizip jatyrmyz. Biz qazir kásiporyn aktivin Qazaqstan Respýblikasynyń paidasyna ótkizýge mindetteitin zańdy qujatqa qol qoiǵansha kelisimniń qandai da shartyn bir aita almaimyz. Óitkeni, ol - jariia kompaniia. Kelisimde qandai bir tólem týraly sharttar engizilse, «ArselorMittalǵa» qandai da bir bolashaq shyǵyndardy ótemeimiz. Bul - birinshiden. Ekinshiden, biz bul aktivti satyp alýǵa biýdjet qarajatyn jumsaýdy josparlap otyrǵan joqpyz», - dedi Qanat Sharlapaev.
