Biylǵy jyldyń naýryz aiynda «ArselorMittal Temirtaý» AQ konvertorlyq tsehynda lastaýshy zattardyń jappai shyǵarylý faktisi boiynsha osy kásiporynǵa jospardan tys tekserý júrgizildi.
Aqpan aiynyń sońynda áleýmettik jelilerde zaýyttan qyzǵylt tútinniń shyǵyp jatqandyǵy týraly video paida boldy, al Qaraǵandy oblysy boiynsha ekologiia departamenti atmosferaǵa lastaýshy zattar shyǵarýdyń ruqsat etilgen normalarynan eleýli asyp ketkendigi tirkelgendigin eskertti, dep habarlaidy "Ult aqparat" QR Ekologiia, geologiia jáne tabiǵi resýrsta ministrliginiń baspasóz qyzmetine silteme jasap.
Máselen, tekserý barysynda Qaraǵandy oblysy boiynsha ekologiia departamentiniń tekserý komissiiasy «Arselor Mittal Temirtaý» AQ kásipornynan bólinetin gazdardy ustaý jáne tazartý júiesin paidalaný qaǵidalary buzylǵanyn anyqtady. Tekserý barysynda, bul buzýshylyq tehnologiialyq jabdyqtyń qanaǵattanǵysyz jai-kúiinen týyndaǵany dáleldendi. Osyǵan bailanysty, №2 konverter aǵymdaǵy jyldyń mamyr aiyna deiin kúrdeli jóndeýge toqtatyldy.
Zaýytty muqiiat tekserý zaýyttyń segiz tsehy boiynsha júrgizilgenin atap ótken jón. Ár túrli normativterdiń buzylýy men shekten asyp ketýi olardyń jeteýinde anyqtaldy.
Joǵaryda atalǵan barlyq faktiler men ekologiialyq talaptardyń tiisinshe oryndalmaýy QR Ekologiialyq kodeksiniń 69-baby 3-tarmaǵynyń buzylýyna ákep soqty, onda «Tabiǵatty paidalanýshylar qorshaǵan ortaǵa emissiiaǵa ruqsatta kórsetilgen sharttardy oryndaýǵa mindetti jáne olardy saqtamaǵany úshin Qazaqstan Respýblikasynyń zańdaryna sáikes jaýapty bolady» delingen.
Búgingi kúni, júrgizilgen tekserý qorytyndysy boiynsha «Arselor Mittal Temirtaý» kásipornyna aiyppul salyndy. Budan basqa, kásiporynǵa somasy shamamen* 1 mlrd. teńgeden asatyn zalaldy óteý týraly nusqama jiberildi (* - qazirgi ýaqytta zalaldy baǵalaýdy esepteý boiynsha jumystar áli de júrgizilýde).
Tabylǵan buzýshylyqtardy joiǵanǵa deiin «ArselorMittal Temirtaý» AQ tsehtarynyń qyzmetin toqtata turý búkil óndiristiń toqtap qalýyna ákeletinin atap ótý mańyzdy, óitkeni kásiporyn tsikly tuiyq bolyp tabylady jáne qandai da bir tsehsyz jumys istei almaidy.
Esterińizge sala keteiik, kásiporynnyń vitse-prezidenti Vidjai Goial aldaǵy tórt jylda shyǵaryndylar kólemin kem degende 30 paiyzǵa azaitýǵa, olardy avtomattandyrýdy qamtamasyz etýge jáne úsh jyl ishinde Temirtaý qalasynda 500 myń aǵash otyrǵyzýǵa ýáde bergen bolatyn.
