QR Ekologiia, geologiia jáne tabiǵi resýrstar ministri Maǵzum Myrzaǵaliev Qaraǵandy oblysyna jumys saparymen bardy. «ArselorMittal» AQ basshylyǵymen ótkizilgen jinalystyń nátijeleri týraly ol Twitter paraqshasynda jazdy, dep habarlaidy "Ult aqparat".
«ArselorMittal Temirtaý» AQ-nyń qorshaǵan ortaǵa shyǵaryndylardy 2025 jylǵa qarai 30%-ǵa azaitý boiynsha jańa josparymen tanystyq. Tabiǵatty qorǵaý sharalarynyń oryndalý merzimin qysqartyp, shyǵaryndylar kólemin tómendetý josparyna 2025 emes, 2024 jyly qol jetkizý múmkindigin birlese qarastyrýǵa kelistik», - dep jazdy ministr.
Shyǵaryndylardy azaitýdyń jańa strategiiasyna sáikes, zaýyt balama ekologiialyq sharalardy qoldanady.
Aldaǵy 5 jylda qorshaǵan ortany jaqsartýǵa kem degende 380 mln AQSh dollar investitsiia calmaq.
«Bul - shyǵaryndylardy azaitý boiynsha qol qoiylǵan ekijaqty Memorandýmnyń aiasyndaǵy jumystyń jalǵasy. Temirtaý ekologiiasy – óte mańyzdy másele. Sondyqtan shyǵaryndylardy azaitý jumysy bizdiń qatań baqylaýymyzda bolady. Sonymen birge jergilikti qoǵam belsendileri de ahýaldy nazarda ustaidy. «ArselorMittal» basshylyǵy da qoǵam ókilderimen toqsan saiyn turaqty túrde kezdesip turmaq», - deidi Maǵzum Myrzaǵaliev.
Eske salsaq, buǵan deiin ministr «ArselorMittal» basshylyǵymen jáne oblystaǵy qoǵam belsendilerimen 20 qańtarda kezdesý ótkizgen bolatyn. Sol kezde kompaniia shyǵaryndylardy 30%-ǵa azaitý boiynsha jospardy ázirleýgǵ úsh ai ýaqyt suraǵan bolatyn.
Jyl saiyn Qaraǵandy oblysy boiynsha atmosferaǵa 590 myń tonna ziiandy zattar shyǵarylady, onyń 40% astamy, iaǵni 247 myń tonnasy Temirtaý qalasynatiesili. Munyń 86%-y «ArselorMittal Temirtaý» AQ zaýytynan shyǵady. (212,3 myń tonna).
