Memleket basshysynyń Arqalyq qalasynyń áýejaiyn rekonstrýktsiialaý jónindegi tapsyrmasyna sáikes, QR Kólik ministrligi Astana–Arqalyq baǵyty boiynsha alǵashqy reisti iske qosty. Reisterdi SCAT áýe kompaniiasy oryndaidy, dep habarlaidy ult.kz.
2026 jylǵy 22 tamyzdan bastap Astana – Arqalyq – Astana baǵyty boiynsha reister aptasyna 2 ret, bir baǵytqa 10 000 teńge tarifpen, al Almaty – Arqalyq – Almaty baǵyty boiynsha reister aptasyna 2 ret, bir baǵytqa 25 000 teńge tarifpen oryndalady.
Budan bólek, oblysishilik sýbsidiialanatyn Qostanai – Arqalyq – Qostanai áýe baǵyty iske qosylady. Reister aptasyna 2 ret oryndalyp, bir baǵytqa bilet quny 10 000 teńgeni quraidy.
Buǵan deiin, 2026 jylǵy 12 tamyzda, Arqalyq áýejaiynyń úsh áriptik IATA kody – AYK qalpyna keltirildi. Bul áýejaidyń turaqty áýe qatynasyn qaita bastaýǵa daiyndyǵyn qamtamasyz etýdegi mańyzdy kezeń boldy.
Áýejaidyń jumysy toqtatylǵannan keiin otyz jyl ótken soń qaita jandanyp otyr. Áýe qatynasynyń ashylýy óńirdiń áleýmettik-ekonomikalyq damýyna mańyzdy serpin berip, Arqalyq qalasynyń kólik qoljetimdiligin arttyrady, turǵyndardyń mobildiligin, iskerlik bailanystardy damytýǵa jáne investitsiialar tartýǵa jańa múmkindikter ashady.
Reisterdi ashý is-sharasyna QR Kólik vitse-ministri Talǵat Lastaev, Qostanai oblysy ákiminiń orynbasary Berik Tańjaryqov, ákimdik ókilderi, aviatsiia salasynyń jáne qoǵam ókilderi qatysty.
